بيىل تۇران جولبارىسىنىڭ العاشقى كۇشىگىن الامىز - ەرلان نىسانبايەۆ

- ءبىز قازىردىڭ وزىندە ناقتى فاكتىلەرگە يە بولىپ وتىرمىز. جىل اياعىنا دەيىن تۇران جولبارىسىنىڭ العاشقى كۇشىكتەرىن الامىز دەپ ۇمىتتەنىپ وتىرمىز، - دەدى مينيستر ب ا ق وكىلىنىڭ سۇراعىنا بەرگەن جاۋابىندا.

ەرلان نىسانبايەۆ بيىل رەسەيدەن تاعى بىرنەشە تۇران جولبارىسى اكەلىنەتىنىن ەسكە سالدى.

- اقپان ايىندا رەسەيلىك ارىپتەستەرىمىزبەن كەزدەسۋ ءوتتى. بۇل تۇران جولبارىسىن قالپىنا كەلتىرۋ باعىتىنداعى ءوزارا سەرىكتەستىك جونىندەگى مەموراندۋم اياسىنداعى جۇمىس توبىنىڭ ءبىرىنشى وتىرىسى بولاتىن. ءبىز رەسەيلىكتەرگە ءوزىمىز دايىنداعان ينفراقۇرىلىمدى كورسەتتىك. ءوزارا تۇسىنىستىك بار. بيىل تاعى 3-4 جولبارىس اكەلەمىز دەپ ويلايمىن. وسىلايشا تۇران جولبارىسىنىڭ پوپۋلياتسياسىن قالپىنا كەلتىرۋدىڭ تولىق اۋقىمدى باعدارلاماسىنا كىرىسەمىز، - دەدى مينيستر.

بۇعان دەيىن دە رەسەيدەن بالقاشقا 3-4 جولبارىس اكەلىنەتىنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى