بيىل ستۋدەنتتەردىڭ ستيپەندياسى 2 ەسە كوبەيەدى
استانا. KAZINFORM - مەملەكەت ج و و ستۋدەنتتەرى ءۇشىن ستيپەنديانى ۇلعايتۋ بويىنشا جوسپارلى جۇمىستى جالعاستىرىپ جاتىر.
عىلىم جانە جوعارى ءبىلىم مينيسترلىگى مالىمەتىنشە، 2025 -جىلى ج و و جانە كوللەدج ستۋدەنتتەرى ءۇشىن ستيپەنديا 2 ەسە، ماگيسترانتتار مەن دوكتورانتتار ءۇشىن 1,75 ەسە ارتادى.
2025 -جىلعى 1- قىركۇيەكتەن باستاپ باكالاۆريات ستۋدەنتتەرىنە ستيپەنديا 52372 تەڭگەگە دەيىن، ال پەداگوگيكالىق جانە مەديتسينالىق باعىتتارداعى ءبىلىم الۋشىلارعا - 84000 تەڭگەگە دەيىن، ماگيسترانتتارعا - 117098 تەڭگەگە، دوكتورانتتارعا - 262500 تەڭگەگە دەيىن وسەدى.
ينتەرناتۋرادا وقيتىن ستۋدەنتتەرگە ستيپەنديا - 94862 تەڭگە، ال رەزيدەنتۋرادا - 134664 تەڭگە كولەمىندە تولەنەتىن بولادى.
ەمتيحان سەسسياسىن «وتە جاقسى» تاپسىرعان جاعدايدا ستۋدەنتتەردىڭ جوعارى ستيپەنديا الۋ مۇمكىندىگى ساقتالادى.
كوللەدج ستۋدەنتتەرىنىڭ ستيپەندياسى تاعى 50 پايىزعا وسەتىنىن جازعان بولاتىنبىز.
