بيىل پرەزيدەنت قىرعىزستانعا بارادى

- ءسىزدىڭ استاناعا العاشقى رەسمي ساپارىڭىزدىڭ ەرەكشە سيمۆولدىق ءمانى بار. ءبىز - ارمانى-مۇراتى ورتاق، تاريحي تامىرى ءبىر، قانى دا، رۋحى دا وتكەن جاقىن باۋىرلاس ەلدەرمىز. وسى تۇستا اتا-بابالارىمىز امانات ەتكەن بەرەكە-بىرلىگىمىزدى ساقتاپ، دوستىعىمىزدى بەكىتە ءتۇسۋ ورتاق ماقساتىمىز دەپ بىلەمىن. مەملەكەت باسشىلارىمىزدىڭ ءوزارا سەنىم مەن شىنايى دوستىق رۋحىنداعى تۇراقتى بايلانىستارى ءبىزدىڭ كوپ قىرلى قاتىناستارىمىزدى جاڭا بەلەستەرگە كوتەرۋگە ىقپال ەتتى، - دەدى ول.

ولجاس بەكتەنوۆ بىلتىر قىرعىز پرەزيدەنتىنىڭ قازاقستانعا رەسمي ساپارمەن كەلگەنىن ەسكە الدى.

- بيىل قازاقستان پرەزيدەنتى قاسىم-جومارت كەمەل ۇلى توقايەۆتىڭ قىرعىزستانعا ساپارى جوسپارلانىپ وتىر. بۇل ەكىجاقتى بايلانىستاردىڭ ودان ءارى دامۋىنا تىڭ سەرپىن بەرەتىنى ءسوزسىز. ءبىزدىڭ بۇگىنگى كەزدەسۋىمىز جوعارعى دەڭگەيدە وتەتىن الداعى كەلىسسوزدەردى ساپالىق جاعىنان تولىقتىرا ءتۇسۋ ءۇشىن ەكىجاقتى كۇن ءتارتىبىنىڭ وزەكتى ماسەلەلەرىن تالقىلاۋعا مۇمكىندىك بەرەدى، - دەدى پرەمەر-مينيستر.

ەسكە سالساق پرەزيدەنت قاسىم-جومارت توقايەۆ يوردانيا كورولىمەن كەلىسسوز جۇرگىزگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى