بيىل قازاقستاندىقتاردىڭ ورتاشا ايلىعى 322 مىڭ تەڭگەگە جەتتى
وسى جىلى جالدامالى جۇمىسشىلاردىڭ ورتاشا جالاقىسى - 322 مىڭ 845 تەڭگە. ونىڭ ىشىندە ەرلەردىڭ ەڭبەكاقىسى - 361 مىڭ 481 تەڭگە، ايەلدەردە 285 مىڭ 744 تەڭگە، دەپ حابارلايدى Kazinform ۇلتتىق ستاتيستيكا بيۋروسىنا سىلتەمە جاساپ.
قازاقستاندا بارلىعى 3 ميلليون 437 مىڭ جالدامالى جۇمىسشى بار.
ەڭ جوعارى جالاقى اتىراۋ وبلىسىندا — 530 مىڭ تەڭگەدەن استام.
ەكىنشى ورىندا ماڭعىستاۋ وبلىسى — 469 مىڭ تەڭگە، ءۇشىنشى ورىندا — ۇلىتاۋ وبلىسى (445 مىڭ تەڭگە.
ال تومەنگى جالاقى س ق و- دا — 227 مىڭ تەڭگە.
رەسمي دەرەكتەرگە سايكەس، جالپى ەكونوميكادا بيىل ءبىلىم دەڭگەيى بويىنشا قىزمەتشىلەردىڭ ورتاشا جالاقىسى كەلەسىدەي: ورتا ءبىلىم — 230 مىڭ 841 تەڭگە، جوعارى ءبىلىم — 398 مىڭ 214 تەڭگە، جوعارى وقۋ ورنىنان كەيىنگى ءبىلىم — 505170 تەڭگە.
«جوعارى ءبىلىمنىڭ بولۋى ورتا ەسەپپەن جالاقىنى %72,5، ال جوعارى وقۋ ورنىنان كەيىنگى ءبىلىم ونى تاعى %27 ارتتىرادى. الايدا، ەكونوميكاداعى جۇمىسشىلاردىڭ %46,1 عانا ورتا ءبىلىمى بارى الاڭداتادى»، - دەپ ءتۇسىندىردى ەكونوميست عالىمجان ايتقازين ءوزىنىڭ Telegram كانالىندا.
ونىڭ ەسەبىنشە، قازاقستان ەكونوميكاسىندا ءبىلىم دەڭگەيى بويىنشا ەرلەردىڭ ورتاشا جالاقىسى ايەلدەرگە قاراعاندا %39 جوعارى.
«بالكىم، گەندەرلىك جالاقىنىڭ مۇنداي ايىرماشىلىعى بالا كۇتىمىمەن ايەلدەردىڭ جۇمىس ىستەگەن ساعاتتارىنىڭ سانىنا بايلانىستى بولار. ويتكەنى، جالاقى مولشەرلەمەسى بويىنشا مۇنداي ايىرماشىلىقتىڭ بولۋى ەكىتالاي»، - دەپ قورىتىندىلادى ساراپشى.
