بيىل قازاقستاندىقتار ريم، گۋاڭجوۋ جانە شاڭحايعا تىكەلەي ۇشا الادى
استانا. قازاقپارات - قازاقستاننان 16 جاڭا حالىقارالىق اۋە رەيسى ىسكە قوسىلادى، دەپ حابارلايدى El.kz اقپارات اگەنتتىگى.
كولىك ۆيتسە-ءمينيسترى تالعات لاستايەۆتىڭ مالىمدەۋىنشە، ەلدىڭ اۆياتسيالىق نارىعىنا ءتورت شەتەلدىك لوۋكوستەر كىرەدى.
ۆيتسە-ءمينيستردىڭ ايتۋىنشا، سوڭعى جىلدارى حالىقارالىق اۋە رەيستەرىنىڭ سانى تۇراقتى تۇردە ارتىپ كەلەدى. قازىرگى تاڭدا قازاقستان 31 ەلدىڭ 58 قالاسىنا 119 باعىت بويىنشا تىكەلەي رەيستەردى جۇزەگە اسىرادى.
بيىل قازاقستاننان ريم، ميۋنحەن، بۋداپەشت، شاڭحاي، گۋاڭجوۋ، پۋسان (وڭتۇستىك كورەيا) سياقتى ءىرى قالالارعا جاڭا رەيستەر اشۋ جوسپارلانعان.
سونىمەن قاتار، ەلدىڭ اۆياتسيالىق نارىعىنا ءتورت ءىرى شەتەلدىك لوۋكوستەر قوسىلادى:
SpiceJet (ءۇندىستان)
Eastar Jet (وڭتۇستىك كورەيا)
T’way Air (وڭتۇستىك كورەيا)
Thai AirAsia (تايلاند)
بۇل وزگەرىستەر جولاۋشىلار ءۇشىن بيۋدجەتتىك اۋە ساپارلارىن قولجەتىمدى ەتىپ، حالىقارالىق باعىتتاردىڭ قولايلىلىعىن ارتتىرادى.
«اشىق اسپان» رەجيمى قىزىلوردا، قوستاناي جانە اتىراۋ اۋەجايلارىندا ەنگىزىلدى. بۇگىندە ول بارلىق حالىقارالىق اۋەجايلاردا جۇمىس ىستەيدى. بۇل قادام قازاقستاننىڭ اۋە نارىعىن دامىتۋعا، باسەكەلەستىكتى ارتتىرۋعا جانە جولاۋشىلارعا ىڭعايلى جاعداي جاساۋعا ىقپال ەتەدى.
