بيىل شەگىرتكەمەن كۇرەسكە 7 ميلليارد تەڭگە بولىنەدى
استانا. KAZINFORM - شەگىرتكەگە قارسى كۇرەسكە 7 ميلليارد تەڭگە بولىنەدى. بۇل تۋرالى سەناتتىڭ جالپى وتىرىسىنان كەيىنگى باسپا ءسوز ءماسليحاتىندا پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ايتتى.
- تاياۋدا جينالىس وتكىزدىم، بيىل 700 ميلليارد (ەگىستىك جۇمىستارىنا) بولدىك. قاراجات ءبولۋدى بىلتىر 29-قاراشادا باستادىق. كەشە «كەڭ دالا» باعدارلاماسى بويىنشا 140 ميلليارد باعىتتالدى... شەگىرتكەنىڭ تارالۋىنا جول بەرمەۋگە ارنالعان 7 ميلليارد تەڭگە دايىن، - دەدى س. جۇمانعارين.
ونىڭ ايتۋىنشا، بيىل شەگىرتكەنىڭ تارالۋ اۋماعى ازايعان.
- مەنىڭ ويىمشا، بيىل شەگىرتكە ماسەلەسىن شەشەمىز. تاجىريبە جيناقتادىق، - دەدى پرەمەر-ءمينيستردىڭ ورىنباسارى.
ەسكە سالساق، بىلتىر كۇزدە قازاقستاندا 2025-جىلعى كوكتەمگى ەگىس جۇمىستارىن قارجىلاندىرۋ باستالدى.
پرەزيدەنتتىڭ تاپسىرماسىن ورىنداۋ شەڭبەرىندە 2025-جىلعى كوكتەمگى ەگىس جانە ەگىن جيناۋ جۇمىستارىنا 700 ميلليارد تەڭگەگە دەيىن باعىتتالادى
بيىل شەگىرتكەگە قارسى ەگىستىكتەردى وڭدەۋگە ارنالعان تەحنيكانىڭ سانى 2 ەسە ارتتى.
