بىتىمگەرلىك ميسسيا: اسكەريلەر جات ەلدە جاراقات السا قانشا تولەماقى الادى

«قازاقستاندىق اسكەريلەردىڭ جاراقات الۋى نەمەسە وپات بولۋى جاعدايىندا وتباسى مۇشەلەرىنە تولەنەتىن قاراجات قازاقستان رەسپۋبليكاسىنىڭ سايكەسىنشە زاڭناماسىنا بەكىتىلگەن. قازىرگى تاڭدا ەڭ اۋىر جاعداي، ياعني، اسكەري قىزمەتكەر وپات بولعان جاعدايدا تولەنەتىن قاراجات 60 ايلىق جالاقى مولشەرىن قۇرايدى. سونداي- اق، ب ۇ ۇ- نىڭ باسشىلىققا الاتىن قۇجاتتارىندا وسىنداي جاعداي ورىن العان جاعدايدا تولەنەتىن سوما 77 (جەتپىس جەتى) مىڭ ا ق ش دوللارىن قۇرايدى»، - دەپ جازىلعان جاۋاپتا.

ال جاراقات العانى ءۇشى وتەماقى دەنساۋلىققا كەلگەن زاقىمنىڭ دەڭگەيىنە بايلانىستى قۇبىلادى.

«بۇل جاعدايدا الىنعان جاراقاتتىڭ كۇردەلىگىنە جانە مۇگەدەكتىكتىڭ دەڭگەيىنە قاراي قازاقستان رەسپۋبليكاسىنىڭ زاڭناماسىندا اسكەري قىزمەتشىنىڭ جارتى ايلىق جالاقىدان الپىس ايلىق جالاقىعا دەيىن تولەنەدى. بۇل قاراجات زاڭناماعا سايكەس بيۋدجەتتەن تولەنەدى. سونداي- اق، بۇۇ- نىڭ تولەمدەرى دە قاراستىرىلعان»، - دەپ جازادى مينيسترلىكتەگىلەر.

بۇعان دەيىن بىتىمگەرلىك ميسسيامەن تاياۋ شىعىستىڭ گولان جوتاسىنا باراتىن اسكەريلەر ەكى جەردەن ايلىق الاتىنىن جازعان ەدىك.

ەسكە سالايىق، 19-قاڭتار كۇنى پارلامەنت قازاقستاندىق اسكەريلەردىڭ ب ۇ ۇ ميسسيالارىنا قاتىسۋ تۋرالى جولداۋىن ماقۇلدادى.

اتالعان ۇسىنىس بويىنشا، قازاقستاننىڭ تۇڭعىش دەربەس بىتىمگەرلىك كونتينگەنتى مىنا نىساندارعا:

• ءبىرىنشى - گولان جوتاسىندا ءبولىنۋ پروتسەستەرىن باقىلاۋ كۇشتەرىنە؛
• ەكىنشى - بىتىمگە كەلۋ شارتتارىنىڭ ورىندالۋىن بايقاۋ ورگانىنا؛
• ءۇشىنشى - وڭتۇستىك سۋدان رەسپۋبليكاسىنداعى ميسسياعا؛
• ءتورتىنشى - اۋەدەگى قاۋىپسىزدىكتى قامتاماسىز ەتۋ ۋاقىتشا كۇشتەرىنە قاتىسۋ ءۇشىن جالپى سانى 430 ادامنان اسپايتىن كونتينگەنتتى جىبەرۋ كوزدەلىپ وتىر.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى