بۇگىنگى سەنات وتىرىسىندا ءبىر عانا زاڭ قابىلدانادى
استانا. KAZINFORM - بۇگىن سەناتتىڭ جالپى وتىرىسى وتەدى. وندا دەپۋتاتتاردىڭ قاراۋىنا بۇعان دەيىن ءماجىلىس قابىلداعان ءبىر عانا زاڭ شىعارىلماق.
ادەتتە ءار دۇيسەنبىدە سەنات ءتوراعاسى ماۋلەن اشىمبايەۆتىڭ توراعالىعىمەن بيۋرو وتىرىسى وتكىزىلىپ، وندا بەيسەنبىدە وتەتىن پالاتانىڭ وتىرىسىندا سەناتورلار قاراۋىنا شىعارىلاتىن زاڭ جوبالارى بەكىتىلەتىن. وسى اپتانىڭ باسىندا پالاتا ءتوراعاسى، الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ باسشىسى ماۋلەن اشىمبايەۆ ساۋد ارابياسى كونسۋلتاتيۆتىك كەڭەسىنىڭ شاقىرۋىمەن اتالعان ەلگە ساپارمەن بارعان ەدى. ساپار بارىسىندا ەر- ريادتا كورولدىكتىڭ كونسۋلتاتيۆتىك كەڭەسىنىڭ ءتوراعاسى ابداللا بەن مۇحاممەد بەن يبراحيم ءال-اش- شەيحپەن جانە يسلام ىستەرى، ۋاعىز جانە ناسيحات ءمينيسترى ابدۋلاتيف بەن ابدەلازيز بەن ابدراحمان ءال-اش- شەيحپەن كەزدەسۋلەر وتكىزدى. «ءدىن ليدەرلەرى ادىلەتتى جانە قاۋىپسىز الەم ءۇشىن» اتتى دوڭگەلەك ۇستەلگە قاتىستى. دۇنيەجۇزىلىك يسلام ليگاسىنىڭ باسشىلىعىمەن كەزدەستى. سوندىقتان ءداستۇرلى بيۋرو وتىرىسى وتپەدى.
دەگەنمەن، بۇگىنگى پالاتا وتىرىسىنىڭ كۇن تارتىبىنە 1 عانا زاڭ شىعارىلعانى بەلگىلى. ول - «كورسەتىلەتىن قىزمەتتەردىڭ ەركىن ساۋداسى، ينۆەستيتسيالاردىڭ قۇرىلۋى، قىزمەتى جانە جۇزەگە اسىرىلۋى تۋرالى كەلىسىمدى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭى.
سەناتورلار قاراۋىنا شىعارىلعان قۇجات بويىنشا ساۋدا جانە ينتەگراتسيا ۆيتسە- ءمينيسترى جانەل كۋشۋكوۆا نەگىزگى بايانداما جاسايدى. دەپۋتاتتار كۇن تارتىبىندەگى ماسەلەلەردى قاراپ بولعاننان كەيىن ۇكىمەت مۇشەلەرىنىڭ اتىنا دەپۋتاتتىق ساۋال جولداۋى مۇمكىن. ال وتىرىستان سوڭ ب ا ق وكىلدەرىنە بريفينگ ۇيىمداستىرىلىپ، وندا جانەل كۋشۋكوۆا مەن سەناتور سەرىك شايداروۆ تىلشىلەر ساۋالىنا جاۋاپ بەرەدى.
ايتا كەتەرلىگى، بۇل زاڭدى ءماجىلىس دەپۋتتارى وسى جىلدىڭ 26-اقپانىندا قابىلداعان ەدى.
زاڭ جوباسى تۋرالى بايانداما جاساعان ساۋدا جانە ينتەگراتسيا ءمينيسترى ارمان شاققاليەۆ كەلىسىمنىڭ نەگىزگى ماقساتى - تاۋەلسىز مەملەكەتتەر دوستاستىعىنا مۇشە ەلدەردىڭ كورسەتىلەتىن قىزمەتتەرىنىڭ ەركىن ساۋدا ايماعىن قالىپتاستىرۋ ەكەنىن ايتقان بولاتىن.
- قىزمەت كورسەتۋ سالاسى - جاھاندىق ەكونوميكالىق ءوسۋدىڭ ەڭ ۇزدىك درايۆەرى. دامىعان ەلدەردە دۇنيەجۇزىلىك جالپى ىشكى ءونىمنىڭ شامامەن 70 پايىزىن جانە دامۋشى ەلدەردە 50 پايىزىن قىزمەتتەر الادى. قازاقستاننىڭ جالپى ىشكى ءونىم قۇرىلىمىندا قىزمەت كورسەتۋ ۇلەسى 50 پايىزدان استام، ال ت م د ەلدەرىندە بۇل كورسەتكىش 40 جانە 60 پايىز ارالىعىندا. قازىر جاھاندىق جالپى ىشكى ونىمدەگى قىزمەت كورسەتۋ ۇلەس ءوسىپ جاتىر. زاماناۋي تەحنولوگيالاردىڭ قارقىندى دامۋى اياسىندا بۇل تەندەنتسيا تەك قانا قارقىن الادى. سوندىقتان ءبىز ءۇشىن قىزمەت ساۋداسىنا ەرەكشە كوڭىل ءبولۋ ماڭىزدى، - دەگەن ەدى ول.
ونىڭ ايتۋىنشا، كەلىسىم ت م د- عا مۇشە مەملەكەتتەردىڭ قىزمەت بەرۋشىلەرى ءۇشىن سەرىكتەستەر نارىعىندا نەعۇرلىم ءتيىمدى شارتتار ۇسىنۋ تۋرالى مىندەتتەمەلەردى بەكىتۋگە مۇمكىندىك بەرەدى. سونىمەن قاتار، ت م د كەڭىستىگىندە نەعۇرلىم قولايلى ينۆەستيتسيالىق احۋالدى قۇرادى. قازاقستاننىڭ ت م د ەلدەرىمەن كورسەتىلەتىن قىزمەتتەرىنىڭ ساۋداسى 2024 -جىلدىڭ 9 ايىندا 3,2 ميلليارد ا ق ش دوللارى بولدى. بۇل رەتتە ەكسپورتتىق قىزمەت كورسەتۋ 1,61 ميلليارد دوللارعا جەتتى. ونىڭ ىشىندە ىسكەرلىك، كولىك، تەلەكوممۋنيكاتسيالىق، ەكولوگيالىق، قارجىلىق جانە ءبىلىم بەرۋ، قۇرىلىس جانە تۋريزم سياقتى قىزمەت سالالارىندا كەپىلدىك بەرەدى. ال ت م د ەلدەرىنەن كەلگەن تەلەكوممۋنيكاتسيا، كومپيۋتەرلىك جانە اقپاراتتىق قىزمەت، تۋريستىك، تەحنيكالىق باعىتتا يمپورتتىق قىزمەت كورسەتۋ 1,59 ميلليارد ا ق ش دوللارى كولەمىندە بولادى.
- سونىمەن قاتار، كەلىسىمدە حالىقارالىق تاجىريبەگە سايكەس، ينۆەستورلاردىڭ مۇددەسىن قورعاۋدىڭ جوعارى دەڭگەيى ەسكەرىلگەن. ت م د ەلدەرىنەن قازاقستان رەسپۋبليكاسىنا تىكەلەي شەتەلدىك ينۆەستيتسيالاردىڭ جالپى اعىنى بىلتىرعى 9 ايدا 2,8 ميلليارد ا ق ش دوللارىن قۇرادى. قۇجاتقا قازاقستاننىڭ مەملەكەتتىك ساتىپ الۋ، جەر ماسەلەلەرى، جەر قويناۋىن پايدالانۋ، تابيعي مونوپوليالار، جاڭارتىلاتىن ەنەرگيا كوزدەرىن رەتتەۋ سياقتى ماسەلەلەرى جاتپايدى. كەلىسىمدى راتيفيكاتسيالاۋ ت م د مەملەكەتتەرىنىڭ ساۋدا- ەكونوميكالىق ىنتىماقتاستىعىن كەڭەيتۋگە، كورسەتىلەتىن وتاندىق قىزمەتتەر ەكسپورتىن ىنتالاندىرۋعا، قازاقستاندىق كاسىپورىندار ت م د- دا ءوز فيليالداردىڭ اشۋ كەزىندە، قولايلى جاعداي جانە ءوزارا ينۆەستيتسيالاردى تارتۋعا مۇمكىندىك بەرەدى، - دەگەن بولاتىن مينيستر.
كەلىسىمگە قازاقستاننىڭ مەملەكەتتىك ساتىپ الۋ، جەر ماسەلەلەرى، جەر قويناۋىن پايدالانۋ، تابيعي مونوپوليالار، جاڭارتىلاتىن ەنەرگيا كوزدەرىن رەتتەۋ سياقتى ماسەلەلەرى جاتپايدى. كەلىسىمدى راتيفيكاتسيالاۋ تمد مەملەكەتتەرىنىڭ ساۋدا- ەكونوميكالىق ىنتىماق- تاستىعىن كەڭەيتۋگە كورسەتىلەتىن وتاندىق قىزمەتتەر ەكسپورتىن ىنتالاندىرۋعا قازاقستاندىق كاسىپورىندار ت م د- دا ءوز فيليالداردىڭ اشۋ كەزىندە، قولايلى جاعداي جانە ءوزارا ينۆەستيتسيالاردى تارتۋعا مۇمكىندىك بەرەدى.
