بۇگىننەن باستاپ كامەرالار ورتاشا جىلدامدىقتى تىركەيدى – ءى ءى م

جاڭاشىلدىق حالىقارالىق جانە رەسپۋبليكالىق ماڭىزى بار جولدارمەن جۇرەتىن بارلىق جۇرگىزۋشىلەرگە قاتىستى.

- بۇل وزگەرىستەردىڭ نەگىزگى ءمانى اۆتوماتتى تۇردە تىركەۋ جۇيەلەرىمەن انىقتالاتىن ءتۇزۋ سىزىقتى ۋچاسكەلەردە «ورتاشا جىلدامدىقتان» اسىپ كەتكەنى ءۇشىن جاۋاپكەرشىلىكتى ەنگىزۋ بولىپ تابىلادى. «ورتاشا جىلدامدىق» ءجۇرىپ وتكەن جولدى سول جولدى ءجۇرىپ وتكەن ۋاقىت ارالىعىنا ءبولۋ ارقىلى ەسەپتەلەدى. ايىپپۇل رۇقسات ەتىلگەن «ورتاشا جىلدامدىقتان» اسىپ كەتۋىنە بايلانىستى 5-تەن 40 ا ە ك- كە دەيىن بولادى. ياعني، جولداردىڭ ءار ءتۇرلى ۋچاسكەلەرىندە «ورتاشا جىلدامدىق» ءار ءتۇرلى بولادى، سەبەبى فورمۋلاعا سايكەس ءار اۆتوكولىك اۆتوماتتى تۇردە ەسەپتەلەدى. بۇل جاڭالىق تالداۋدى ەسكەرە وتىرىپ ەنگىزىلدى، سەبەبى قالا ماڭىنداعى تراسسالارداعى ءاربىر ءۇشىنشى ادام جىلدامدىق رەجيمىنىڭ اسىپ كەتۋىنىڭ سالدارىنان كوز جۇمعان. وسى وزگەرىستەرگە بايلانىستى ءى ءى م جول جۇرىسىنە قاتىسۋشىلاردىڭ بارلىعان قاعيدالاردى ساقتاۋعا جانە باسقا قاتىسۋشىلاردى قۇرمەتتەۋگە شاقىرادى. جولداعى قاۋىپسىزدىكتى ارتتىرۋ - بۇل ورتاق مىندەت، - دەدى ءى ءى م اكىمشىلىك پوليتسيا كوميتەتى ەرەكشە تاپسىرمالار جونىندەگى اعا ينسپەكتورى اقتوتى بورانوۆا.

ەسكە سالساق، بۇعان دەيىن كولىك مينيسترلىگى جىلدامدىقتى ءجيى اسىراتىن InDrive جانە ياندەكس Go جۇرگىزۋشىلەرى تاسىمالدان شەتتەتىلۋى مۇمكىن ەكەندىگىن ايتتى.

اۆتور

ساياگۇل جارىلقاسىن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى