بۇگىننەن باستاپ جاردەماقى مەن زەينەتاقى قانشالىقتى ۇلعايدى

اتاپ ايتقاندا، 2024-2026-جىلدارعا ارنالعان رەسپۋبليكالىق بيۋجەت تۋرالى زاڭدا 2024-جىلعى 1- قاڭتاردان باستاپ مەملەكەتتىك جاردەماقى مەن بازالىق زەينەتاقىنىڭ بارلىق ءتۇرىن ۇلتتىق بانك ايقىندايتىن ينفلياتسيانىڭ بولجامدى دەڭگەيىنە سايكەس – 7، ىنتىماقتى زەينەتاقىنى - 9 پايىزعا، ياعني ينفلياتسيا دەڭگەيىنەن 2 پايىزعا ىلگەرىلەپ ارتتىرۋ كوزدەلگەن.

2024-جىلى بيۋجەتتەن تولەنەتىن جيىنتىق زەينەتاقىنىڭ ورتاشا مولشەرى (ب ج ز ق تولەمدەرىن ەسەپتەمەگەندە) — 130414 تەڭگە (202 -جىلى — 120838 تەڭگە).

بۇدان باسقا، مەملەكەت باسشىسىنىڭ تاپسىرماسى بويىنشا 2023-جىلدان باستاپ بەس جىل ىشىندە ەڭ تومەن بازالىق زەينەتاقى ەڭ تومەن كۇنكورىس دەڭگەيىنىڭ 70 پايىزىنا دەيىن، ەڭ جوعارى دەڭگەيى 120 پايىزعا دەيىن جىل سايىن كەزەڭ-كەزەڭىمەن ارتادى.

ماسەلەن، 2024-جىلعى 1- قاڭتاردان باستاپ بازالىق زەينەتاقىنىڭ ەڭ تومەن مولشەرى ەڭ تومەن كۇنكورىس دەڭگەيىنەن 60 تان 65 پايىزعا دەيىن ۇلعايادى.

بۇل - 28215 تەڭگە، ال ەڭ جوعارى مولشەرى ەڭ تومەن كۇنكورىس دەڭگەيىنەن 100 دەن 105 پايىزعا دەيىن ارتىپ، 45578 تەڭگە بولدى.

2024-جىلعى 1- قاڭتاردان باستاپ مەملەكەتتىك جاردەماقى:

- 1، 2، 3 بالانىڭ تۋۋىنا بەرىلەتىن جاردەماقى 131100 تەڭگەدەن 140296 تەڭگەگە دەيىن، 4 جانە ودان دا كوپ بالا تۋۋىنا بەرىلەتىن جاردەماقى — 217350 تەڭگەدەن 232596 تەڭگەگە دەيىن؛

- مولشەرى بالالار سانىنا بايلانىستى كوپبالالى وتباسىلارعا بەرىلەتىن جاردەماقى 4 بالاسى بار وتباسىلار ءۇشىن 55304 تەڭگەدەن 59183 تەڭگەگە دەيىن، 10 بالاسى بار وتباسىلار ءۇشىن - 138000 تەڭگەدەن 147680 تەڭگەگە دەيىن؛

- I توپ مۇگەدەكتىگى بار ادامدارعا ارنالعان جاردەماقى 89248 تەڭگەدەن 95496 تەڭگەگە دەيىن، II توپ - 71398 تەڭگەدەن 76397 تەڭگەگە دەيىن، III توپ - 48681 تەڭگەدەن 52089 تەڭگەگە دەيىن ۇلعايتىلدى.

سونداي-اق، مەملەكەتتىك الەۋمەتتىك ساقتاندىرۋ قورىنان اسىراۋشىسىنان ايىرىلۋ جانە ەڭبەككە قابىلەتىنەن ايىرىلۋ بويىنشا تولەم 7 پايىزعا ارتتى.

اتالعان تولەمدەر مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا بيۋجەتتەن بەرىلەتىن مەملەكەتتىك جاردەماقىلارعا قوسىمشا جۇزەگە اسىرادى.

تولەم مولشەرى جەكە-جەكە جانە مىنالارعا بايلانىستى بولادى: سوڭعى 2 جىلدا مەملەكەتتىك الەۋمەتتىك ساقتاندىرۋ قورىنا الەۋمەتتىك اۋدارىمدار جۇرگىزىلگەن ورتاشا ايلىق تابىس، ەڭبەككە قابىلەتتىلىگىنەن ايىرىلۋ كوەففيتسيەنتتەرى، اسىراۋىنداعى ادامدار سانى، مىندەتتى الەۋمەتتىك ساقتاندىرۋ جۇيەسىنە قاتىسۋ ءوتىلى جانە تابىستى الماستىرۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى