بۇگىن حاڭجوۋدا 19-شى ازيا ويىندارىنىڭ اشىلۋ سالتاناتى وتەدى
23-قىركۇيەك كۇنى كەشكە قىتايدىڭ حاڭجوۋ قالاسىنداعى ۇلكەن لوتۋس ستاديونىندا 19-شى ازيا ويىندارىنىڭ اشىلۋ سالتاناتى وتەدى، دەپ حابارلايدى قازاقپارات ءتىلشىسى.
حاڭجوۋداعى ازيا ويىندارىنىڭ اشىلۋ سالتاناتى ءۇش تاقىرىپقا بولىنەدى: ءبىرىنشى - «ۇلتتىق ادەت- عۇرىپتىڭ جەمىسى»، ەكىنشىسى - «جيانتان وزەنىندەگى تولقىن»، ءۇشىنشى - «ءبىز قول ۇستاسىپ جۇرەمىز».
ۇيىمداستىرۋشىلاردىڭ ايتۋىنشا، سالتاناتتى شارا كەزىندەگى وتشاشۋلار سيفرلىق جاعدايدا بولادى، ال ازيا ويىندارىنىڭ الاۋىن جاعۋ ونلاين جانە وفلاين فورماتتا وتەدى.
80 مىڭ كورەرمەنگە ارنالعان ۇلكەن لوتوس ستاديونى ازيا ويىندارىنىڭ باستى ارەناسىنا اينالادى. وندا ازيا ويىندارىنىڭ جابىلۋ سالتاناتى، جەڭىل اتلەتيكادان جارىستار ۇيىمداستىرىلادى.
قىتاي ءتوراعاسى شي جينپيڭ 19-شى ازيا ويىندارىنىڭ اشىلۋ سالتاناتىنا قاتىسادى جانە ول ويىنداردى اشىق دەپ جاريالايدى.
حاڭجوۋداعى ازيا ويىندارى 1990 -جىلعى بەيجىڭ مەن 2010 -جىلعى گۋاڭجوۋدان كەيىنگى قىتايداعى ءۇشىنشى ازيا ويىندارى بولماق.
21-قىركۇيەكتە ازيا ويىندارىنا قازاقستاندىق سپورت دەلەگاتسياسىنىڭ رەسمي كەلۋىنە وراي حاڭجوۋ قالاسىندا قازاقستاننىڭ تۋىن كوتەرۋ ءراسىمى ءوتتى.
ۇ و ك مالىمەتىنشە، قازاقستان قۇراماسى 30 سپورت تۇرىنەن مەدالدار ءۇشىن تالاساتىن 525 سپورتشىدان تۇرادى، ونىڭ 27 سى وليمپيادالىق.
2022 -جىلعى ازيا ويىندارى حاڭجوۋدا 23-قىركۇيەكتەن 8-قازانعا دەيىن جالعاسادى. مەدالدار سپورتتىڭ 40 تۇرىنەن بەرىلەدى. قازاقستان ازيا ويىندارىنا 1994 -جىلدان بەرى قاتىسىپ كەلەدى.
