بۇگىن ەكى وبلىستا 1-6 گرادۋس ۇسىك جۇرەدى
استانا. KAZINFORM - قازگيدرومەت سينوپتيكتەرى، 16-قازان سارسەنبىگە ارنالعان اۋا رايى بولجامىن جاريالادى.
اتموسفەرالىق فرونتالدى بولىمدەردىڭ وتۋىمەن رەسپۋبليكا اۋماعىنىڭ باسىم بولىگىندە جاۋىن-شاشىن (جاڭبىر، قار) وتەدى، تۇندە ق ر وڭتۇستىگىنىڭ، وڭتۇستىك- شىعىسىنىڭ تاۋلى اۋداندارىندا قاتتى جاۋىن- شاشىن (جاڭبىر، قار) كۇتىلەدى، تۇندە قازاقستاننىڭ وڭتۇستىك- شىعىسىندا قاتتى جاڭبىر جاۋادى، تۇندە شىعىستا، وڭتۇستىكتە، ەلدىڭ ورتالىعىندا قار كۇتىلەدى.
ەلدىڭ باتىسىندا، سولتۇستىك- باتىسىندا، سولتۇستىگىندە جاۋىن- شاشىنسىز اۋا- رايى ساقتالادى. ەلدە جەل كۇشەيۋى كۇتىلەدى، تۇنگى جانە تاڭەرتەڭگى ساعاتتاردا تۇمان بولادى. ق ر ورتالىعىندا قارلى بوران، شىعىسىندا، وڭتۇستىگىندە، ورتالىعىندا، رەسپۋبليكانىڭ وڭتۇستىك- شىعىسىنداعى تاۋلى اۋدانداردا كوكتايعاق بولجانادى.
تۇندە قىزىلوردا، تۇركىستان وبلىستارىندا 1-6 گرادۋس ۇسىك كۇتىلەدى.
باتىس قازاقستان وبلىسىنىڭ باتىسىندا، وڭتۇستىگىندە، قىزىلوردا وبلىسىنىڭ ورتالىعىندا، سولتۇستىگىندە، باتىسىندا جوعارى ءورت قاۋپى ساقتالادى، اتىراۋ وبلىسىنىڭ باتىسىندا، سولتۇستىگىندە جوعارى ءورت قاۋپى كۇتىلەدى.
