بۇگىن فۋتبولدان قازاقستان قۇراماسى سىرت الاڭدا فينليانديامەن كەزدەسەدى

فينليانديا مەن قازاقستان كەزدەسۋى 17- قازاندا ەلوردا ۋاقىتىمەن 22:00 دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.

كەزدەسۋدە بوسنيالىق تورەشىلەر بريگاداسى قىزمەت اتقارادى.

باس تورەشى - يرفان پەلتو، وعان سەناد يبريسيمبەگوۆيچ پەن داۆور بەلجو كومەكشىلىك جاسايدى. ءتورتىنشى تورەشى - ميلوش گيگوۆيچ.

ەكى كوماندا بۇعان دەيىن رەسمي ويىنداردا بەس مارتە كەزدەسكەن. بارلىعىندا فينلنديالىق فۋتبولشىلار جەڭىسكە جەتتى.

سونداي- اق اتالعان تۋردا سولتۇستىك يرلانديا مەن سلوۆەنيا، سان- مارينو مەن دانيا قۇرامالارى كەزدەسەدى.

جەتى تۋردان كەيىن H توبىندا 16 ۇپايمەن سلوۆەنيا مەن دانيا كوش باسىندا تۇرسا، ودان كەيىنگى ورىنداعى فينليانديا مەن قازاقستاننىڭ 12 ۇپايى بار.

ەسكە سالساق، بۇدان بۇرىن ەل قۇراماسى جەتى كەزدەسۋ وتكىزدى. ەل قۇراماسى ءوز الاڭىندا سلوۆەنيادان - 1:2, فينليانديادان - 0:1, سىرت الاڭدا دانيادان 1:3 ەسەبىمەن جەڭىلسە، دانيانى (3:2) ، سان- مارينونى (3:0) ، سولتۇستىك يرلانديا (ەكى مارتە - 1:0, 1:0) قاپى قالدىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى