بۇگىن - دۇنيەجۇزىلىك سۋ رەسۋرستارى كۇنى

بۇل كۇنى ءبىز تىرشىلىك كوزى بولىپ تابىلاتىن سۋدىڭ باعا جەتپەس بايلىق ەكەنىن تاعى ءبىر مارتە ەسكە سالىپ، سۋ رەسۋرستارىن ساقتاۋ جانە ونى ءتيىمدى پايدالانۋدىڭ ماڭىزدى جونىندە ويلانۋىمىز كەرەك.

«سۋدىڭ دا سۇراۋى بار» دەپ وسيەت قالدىرعان اتا-بابامىز بۇلاق كورسە كوزىڭ اشىپ، تىرشىلىك ءنارىنىڭ قادىرىن باعالاي بىلگەن. ەندىگى ءبىزدىڭ مىندەتىمىز - وسى سۋدىڭ ىسىراپشىلدىعىنا جول بەرمەي، قولدا بار رەسۋرستى ۇنەمدەپ پايدالانۋ. ول ءاربىر تۇتىنۋشىعا قاتىستى.

وسى ماقساتتا، سۋ رەسۋرستارى جانە يرريگاتسيا مينيسترلىگى جاڭا سۋ كودەكسىنىڭ جوباسىن ازىرلەدى. جاڭا رەداكسيادا ءبىز تۇراقتى ەكونوميكالىق دامۋدى قامتاماسىز ەتە وتىرىپ، قازاقستاننىڭ سۋ رەسۋرستارىن كەلەشەك ۇرپاققا ساقتاۋ ءۇشىن ناقتى ءىس-شارالار قابىلدادىق.

جاڭا سۋ كودەكسىندە سۋ رەسۋرستارىن ءتيىمدى پايدالانۋعا، سۋ ۇنەمدەۋ تەحنولوگيالارى مەن سۋدى قايتا پايدالانۋ جۇيەلەرىن قارقىندى ەنگىزۋگە باسىمدىق بەرىلەدى. ال، سۋ سالاسىنداعى بۇزۋشىلىقتار ءۇشىن جاۋاپكەرشىلىك زاڭنامالىق دەڭگەيدە كۇشەيتىلەدى.

بۇدان بولەك، ۇكىمەت ءبىزدىڭ مينيسترلىك ازىرلەگەن ق ر سۋ رەسۋرستارىن باسقارۋ جۇيەسىن دامىتۋدىڭ 2024-2030-جىلدارعا ارنالعان تۇجىرىمداماسىن بەكىتتى. تۇجىرىمدامادا ەلىمىزدىڭ سۋ قاۋىپسىزدىگىن قامتاماسىز ەتۋ جانە سۋ تاپشىلىعىن ازايتۋ ماقساتىندا 20 سۋ قويماسىن سالۋ، 15 سۋ قويماسىن جانە 14 مىڭ شاقىرىمنان استام يرريگاتسيالىق كانالدى رەكونسترۋكسيالاۋ جانە گيدروتەحنيكالىق قۇرىلىستاردى جاڭعىرتۋ بويىنشا ءبىرقاتار شۇعىل شارالار قاراستىرىلعان.

مينيسترلىك شارۋالاردى سۋ ۇنەمدەۋگە جانە ونى ءتيىمدى پايدالانۋعا ىنتالاندىرۋ باعىتىندا دا بەلسەندى جۇمىس ىستەپ جاتىر. ماسەلەن، اۋىل شارۋاشىلىعى مينيسترلىگىمەن بىرلەسىپ سۋ ۇنەمدەۋ جۇيەلەرىن ورناتۋ شىعىندارىن سۋبسيدياداۋ مولشەرىن %50- دان %80- عا دەيىن ۇلعايتۋ بويىنشا جۇمىس جۇرگىزىپ جاتىرمىز.

بۇگىنگى تاڭدا قازاقستاندا اۋىل حالقىنىڭ %96,6- ى، قالا تۇرعىندارىنىڭ %98,9- ى ورتالىقتاندىرىلعان اۋىز سۋمەن قامتاماسىز ەتىلگەن. مينيسترلىك 2025 -جىلدىڭ سوڭىنا قاراي قازاقستاندىقتاردى %100 ساپالى اۋىز سۋمەن قامتۋدى جوسپارلاپ وتىر.

مينيسترلىك جۇمىسىنىڭ تاعى ءبىر باسىم باعىتى - ەلىمىزدە سۋ رەسۋرستارىن ۇقىپتى پايدالانۋ مادەنيەتىن قالىپتاستىرۋ.

سۋدى تەك كاسىپورىندار مەن شارۋالار عانا ەمەس، كەز- كەلگەن قازاقستاندىق ۇنەمدەۋى ءتيىس. سول سەبەپتى دە سىزدەردى ورتاق ىسكە ۇلەس قوسىپ، سۋدىڭ ءار تامشىسىنا جاۋاپكەرشىلىكپەن قاراۋعا شاقىرامىن»، - دەدى ق ر سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.

اۆتور

ايدار وسپاناليەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى