بۇگىن ءتورت وبلىستا ۇسىك جۇرەدى - قازگيدرومەت
استانا. KAZINFORM - «قازگيدرومەت» ر م ك ەل اۋماعىندا 15-مامىردا بولاتىن قاۋىپتى مەتەورولوگيالىق قۇبىلىستارعا بولجام جاسادى.
سينوپتيكتەردىڭ مالىمەتىنشە، وڭتۇستىك سيكلونى مەن ونىمەن بايلانىسقان اتموسفەرالىق فرونتالدى بولىكتەر ق ر تەرريتورياسىنىڭ باسىم بولىگىندە ءوز اسەرىن ساقتايدى.
«نايزاعاي ويناپ، جاڭبىر جاۋادى، شىعىس پەن ورتالىقتا قاتتى جاڭبىر، بۇرشاق جاۋىپ، داۋىل سوعادى. تەك ەلىمىدىڭ سولتۇستىگى، سولتۇستىك- باتىسى مەن وڭتۇستىك- شىعىسىندا جاۋىن- شاشىنسىز اۋا رايى بولادى. رەسپۋبليكا بويىنشا جەلدىڭ كۇشەيۋى، تۇنگى جانە تاڭەرتەڭگى ساعاتتاردا سولتۇستىگى، سولتۇستىك- باتىسى مەن ورتالىعىندا تۇمان كۇتىلەدى»، دەپ جازدى ۆەدومستۆودان.
تۇندە قوستاناي، اقتوبە وبلىستارىنىڭ سولتۇستىگىندە، سولتۇستىك قازاقستان وبلىسىنىڭ باتىسىندا، اقمولا وبلىسىنىڭ باتىسى مەن سولتۇستىگىندە توپىراق بەتىندە 2-3 گرادۋس ۇسىك تۇسەدى.
قاراعاندى وبلىسىنىڭ باتىسىندا، وڭتۇستىگىندە، ۇلىتاۋ وبلىسىنىڭ ورتالىعىندا، اباي، قوستاناي وبلىستارىنىڭ وڭتۇستىگىندە، اتىراۋ وبلىسىنىڭ سولتۇستىك- باتىسىندا، شىعىس قازاقستان وبلىسىنىڭ وڭتۇستىك- شىعىسىندا، قىزىلوردا وبلىسىنىڭ باتىسىندا، باتىس قازاقستان وبلىسىنىڭ باتىسىندا، سولتۇستىك- باتىسىندا، وڭتۇستىك- باتىسىندا جوعارى ءورت قاۋىپى ساقتالادى.
قىزىلوردا وبلىسىنىڭ قازالى اۋدانىندا، تۇركىستان وبلىسىنىڭ ءشولدى اۋداندارىندا، اباي وبلىسىنىڭ ءۇرجار اۋدانىندا توتەنشە ءورت ءقاۋىپى كۇتىلەدى.
اۆتور
اسحات رايقۇل
