بىلتىر تاجىكستانعا 30 مىڭنان استام قازاقستاندىق ساياحاتتاپ بارعان
دۋشانبە. KAZINFORM - وتكەن جىلى تاجىكستانعا ساياحاتتاپ بارعان شەتەلدىك تۋريستەردىڭ سانى %16,7 عا ءوستى، دەپ حابارلايدى Kazinform اگەنتتىگىنىڭ ءتىلشىسى.
تاجىكستاننىڭ ءتۋريزمدى دامىتۋ كوميتەتىنىڭ مالىمەتىنشە، بىلتىر اتالعان ەل 1,4 ميلليون تۋريستى قابىلداعان.
ساياحاتشىلاردىڭ باسىم بولىگى - وزبەكستاندىقتار. ياعني، 897,3 مىڭ ادام تاجىكستاننىڭ كورىكتى جەرلەرىن ارالاعان. سونىمەن قاتار، بىلتىر 334,5 مىڭ رەسەيلىك تۋريست دەمالىسىن وسى ەلدە وتكىزگەن.
تاجىكستانعا ساپارلاعان قازاقستان ازاماتتارى دا از ەمەس. 2024 -جىلى 34,6 مىڭ ادام اتالعان مەملەكەتكە ساياحاتتاپ بارعان. بۇل 2023 -جىلعى كورسەتكىشپەن سالىستىرعاندا %9,8 عا كوپ.
ەسكە سالايىق، وتكەن جىلدىڭ قورىتىندىسى بويىنشا قازاقستان تاجىكستاننىڭ نەگىزگى ساۋدا سەرىكتەستەرىنىڭ ۇشتىگىنە ەندى.
