بىلتىر ەسىرتكى ساتقان نەشە پوليتسەي ءىستى بولدى
استانا. KAZINFORM - ىشكى ىستەر مينيسترلىگىنىڭ رەسمي وكىلى شىڭعىس الەكەشيەۆ بىلتىر ەسىرتكى ساۋداسىنا قاتىستى ءىستى بولعان پوليتسەيلەر تۋرالى ايتتى.
«قىزمەتكەرلەر اراسىندا وزدەرىنىڭ جۇمىسىنىڭ مۇددەسىنە نۇقسان كەلتىرىپ، وسىنداي ءىس-ارەكەتتەرگە باراتىن ساناۋلى عانا فاكتى بار. ەسىرتكىنى تاراتۋ دەرەگىنە توقتالساق، بىلتىر 3 وقيعا انىقتالدى»، - دەدى ش. الەكەشيەۆ مينيسترلىكتىڭ اپتالىق باسپا ءسوز ءماسليحاتىندا.
ونىڭ سوزىنە قاراعاندا، پوليتسەيلەر جاسايتىن قىلمىستاردىڭ 80 پايىزدان استامىن مينيسترلىكتىڭ وزىندىك قاۋىپسىزدىك بولىمشەلەرى انىقتاپ جاتىر.
«ءبىز وسىنداي ساتقىنداردى انىقتاپ، ولاردى قىلمىستىق جاۋاپكەرشىلىككە تارتۋعا ءوزىمىز مۇددەلىمىز»، - دەدى رەسمي وكىل.
بۇدان بۇرىن حابارلانعانداي، قازاقستاندا «ەلىكتىرگىش گازدى» تاراتقاندار قىلمىستىق جاۋاپكەرشىلىككە تارتىلۋى مۇمكىن.
اۆتور
رۋسلان عابباسوۆ
