بىلتىر ەڭ كوپ تۋريست دەمالعان قازاقستانداعى توپ-5 كۋرورتتىق ءوڭىر
استانا. قازاقپارات - 2024-جىلدىڭ قاڭتار-قىركۇيەك ارالىعىندا قازاقستاننىڭ كۋرورتتىق وڭىرلەرىنە 3,4 ميلليون تۋريست كەلگەن. بۇل تۋرالى ق ر تۋريزم جانە سپورت مينيسترلىگى ءمالىم ەتتى.
قوناق ۇيلەر مەن ورنالاستىرۋ ورىندارى كورسەتكەن قىزمەت كولەمى 129 ميلليارد تەڭگەگە جەتكەن. نازارلارىڭىزعا تۋريستەر اراسىندا ەڭ تانىمال بەس دەمالىس ءوڭىرىن ۇسىنامىز:
5-ورىن: بالقاش كۋرورتتىق ءوڭىرى
بالقاش كولىنىڭ جاعالاۋىندا ورنالاسقان دەمالىس ءوڭىرى بىلتىر 9 ايدا 120948 تۋريست قابىلداعان.
4-ورىن: الاكول كۋرورتتىق ءوڭىرى
الاكول كولىنىڭ اباي وبلىسىنداعى اۋماعىنا 125621، جەتىسۋ وبلىسىنداعى بولىگىنە 113059 تۋريست بارعان. وسىلايشا، بۇل ءوڭىر ەلىمىزدىڭ باستى تابيعي ءىنجۋ-مارجانى ەكەنىن تاعى ءبىر مارتە دالەلدەدى.
3-ورىن: شۋچە-بۋراباي كۋرورتتىق ءوڭىرى
ورمانى، كولدەرى جانە كۋرورتتىق كەشەندەرىمەن ايگىلى بۇل ءوڭىر 275295 ساياحاتشىنى قابىلداعان.
2-ورىن: ماڭعىستاۋ كۋرورتتىق ءوڭىرى
ماڭعىستاۋدىڭ كورىكتى پەيزاجدارى مەن كاسپي تەڭىزىنىڭ جاعالاۋىندا 325013 تۋريست دەمالعان.
1-ورىن: الماتى تاۋ كلاستەرى
ەلىمىزدىڭ ەڭ تارتىمدى كۋرورتتىق وڭىرلەر رەيتينگىندە الماتى تاۋ كلاستەرى كوش باستاپ تۇر. وڭىرگە 1996801 تۋريست ساپارلاعان. اسەم تاۋ پەيزاجدارى مەن تازا اۋاسى ءوڭىردى بەلسەندى جانە تابيعات اياسىنداعى دەمالىستى ۇناتاتىندار ءۇشىن ناعىز تارتىمدى ورىنعا اينالدىردى.
ەسكە سالا كەتەيىك، بۇعان دەيىن 6 ميلليون ىشكى تۋريست جانە 224 ميلليارد تەڭگە كىرىس قازاقستانداعى تۋريزمدى نىعايتقانىن جازعان بولاتىنبىز.
سونداي-اق قازاقستاندا تۋريزمگە سالىنعان ينۆەستيتسيا كولەمى %20,3 عا ارتتى.
