بىلتىر ءتىل وقىتۋ ورتالىقتارىنا 29 مىڭداي قازاق انا ءتىلىن ۇيرەنۋگە بارعان
استانا. قازاقپارات – 21-اقپان - حالىقارالىق انا ءتىلى كۇنى. عىلىم جانە جوعارى ءبىلىم مينيسترلىگىنىڭ Kazinform ساۋالىنا جولداعان جاۋابىندا ەلدەگى ءتىل وقىتۋ ورتالىقتارىندا ءوزىنىڭ انا ءتىلىن وقىپ جۇرگەندەردىڭ ناقتى سانى ايتىلعان.
- ەلىمىزدە جەرگىلىكتى اتقارۋشى ورگانداردىڭ جانىنان قۇرىلعان 114 تىلدەردى وقىتۋ ورتالىعى جۇمىس ىستەيدى. ولاردىڭ 95- ءى- نەگىزگى ورتالىقتار بولسا، 19-ى - فيليالدارى.
2024 -جىلدىڭ قورىتىندىسى بويىنشا ءتىل ۇيرەتۋ كۋرسىنان وتكەندەر سانى - 63857 ادام. ونىڭ ىشىندە مەملەكەتتىك ءتىلدى وقۋ كۋرسىنان وتكەندەر - 45841، ورىس ءتىلى كۋرسىنان وتكەندەر - 4700، اعىلشىن ءتىلى - 13316 ادام.
جەرگىلىكتى اتقارۋشى ورگانداردا قازاق ءتىلى كۋرسىنان وتكەندەر سانى - 45114 ادام، ونىڭ ىشىندە 16517 ەتنوس وكىلدەرى، - دەپ جازىلعان جاۋاپتا.
ايماقتار بويىنشا قازاق ءتىلىن ۇيرەنگەندەر:
اقتوبە - 1700
اباي - 1400
اقمولا - 3172
اتىراۋ - 605
ب ق و - 705
س ق و - 2346
قوستاناي - 6761
ۇلىتاۋ - 176
جامبىل - 4052
پاۆلودار - 2294
قاراعاندى - 3577
قىزىلوردا - 1000
تۇركىستان - 4980
ش ق و - 2512
جەتىسۋ - 3822
شىمكەنت - 901
الماتى وبلىسى - 2634
الماتى - 977
استانا - 1500
مينيسترلىكتىڭ مالىمەتىنە قاراعاندا تىلدەردى وقىتۋ ورتالىقتارىنىڭ ءبارى جەرگىلىكتى بيۋدجەتتەن قارجىلاندىرىلادى. وقۋ كۋرسىنا 18 جاستان اسقان مەملەكەتتىك قىزمەتشىلەر مەن بيۋدجەتتىك سالا قىزمەتكەرلەرى، ۇلتتىق كومپانيا وكىلدەرى، ءۇي شارۋاسىنداعى ادامدار، زەينەتكەرلەر، شەتەلدىك ازاماتتار، ەتنوس وكىلدەرى تاعى دا باسقا كەز-كەلگەن ءوتىنىم بەرگەن ازاماتتار قاتىسا الادى.
ال مەملەكەتتىك ورگاندار مەن ۇلتتىق كومپانيالار وقىتۋ كۋرستارىن ءوز ەسەبىنەن قارجىلاندىرادى.
سونداي- اق، مەملەكەت ءتۇرلى ەتنوس وكىلدەرىنە قازاق جانە انا تىلدەرىن ۇيرەتۋگە ارنالعان كۋرستار ۇيىمداستىرىپ وتىر.
- 2024 -جىلى 10 ەتنوستىڭ ءتىلى 2910 اكادەميالىق ساعات كولەمىندە وقىتىلدى (دۇنگەن ءتىلى، وزبەك ءتىلى، كۇرد ءتىلى، تاتار ءتىلى، ۇيعىر ءتىلى، ۋكراين ءتىلى، پولياك ءتىلى، نەمىس ءتىلى، كورەي ءتىلى، بەلارۋس ءتىلى)، - دەپ جازادى مينيسترلىكتەگىلەر.
رەسمي مالىمەت بويىنشا قاڭتار ايىندا ۇبت تاپسىرعان تالاپكەرلەردىڭ %76,81- ى قازاق تىلىندە، %23,14- ى ورىس تىلىندە، 89 ادام اعىلشىن تىلىندە تەستىلەۋدەن وتكەن.
اۆتور
ەسىمجان ناقتىباي
