بەيجىڭدە يراننىڭ يادرولىق ماسەلەسى بويىنشا ءۇشجاقتى كەزدەسۋ باستالدى

قىتاي ورتالىق تەلەارناسىنىڭ حابارلاۋىنشا، ءۇشجاقتى كەزدەسۋ قىتاي سىرتقى ىستەر ءمينيسترىنىڭ ورىنباسارى ما جاۋسيۋيدىڭ توراعالىعىمەن ءوتىپ جاتىر.

شاراعا يران تاراپىنان سىرتقى ىستەر ءمينيسترىنىڭ ورىنباسارى كازەم گاريبابادي، رەسەي تاراپىنان سىرتقى ىستەر ءمينيسترىنىڭ ورىنباسارى سەرگەي ريابكوۆ قاتىسىپ وتىر.

ق ح ر س ءى م باسپا ءسوز حاتشىسى ماۋ نيننىڭ بۇعان دەيىن مالىمدەۋىنشە، قىتاي، رەسەي جانە يراننىڭ بەيجىڭدە يراننىڭ يادرولىق ماسەلەسى بويىنشا كەزدەسۋى قىتايدىڭ بايلانىس پەن ۇيلەستىرۋدى نىعايتۋعا، سونداي-اق ديالوگ پەن كەلىسسوزدەردى مۇمكىندىگىنشە تەزىرەك قايتا باستاۋ ءۇشىن جاعداي جاساۋعا باعىتتالعان كەزەكتى ديپلوماتيالىق قادامى بولماق.

ونىڭ ايتۋىنشا، قىتاي ب ۇ ۇ قاۋىپسىزدىك كەڭەسىنىڭ تۇراقتى مۇشەسى جانە يراننىڭ يادرولىق باعدارلاماسى بويىنشا بىرلەسكەن جان- جاقتى ارەكەت جوسپارىنىڭ قاتىسۋشىسى رەتىندە يراننىڭ يادرولىق ماسەلەسىن ساياسي جانە ديپلوماتيالىق جولدار ارقىلى دۇرىس رەتتەۋگە، سونداي- اق حالىقارالىق يادرولىق قارۋدى تاراتپاۋ رەجيمىن قورعاۋعا جانە ورتا شىعىستا بەيبىتشىلىك پەن تۇراقتىلىقتى نىعايتۋعا كۇش سالۋعا شاقىرادى.

- قازىرگى جاعدايدا ءبىز ءتيىستى تاراپتار سابىر ساقتاپ، ۇستامدىلىق تانىتىپ، يراننىڭ يادرولىق ماسەلەسى توڭىرەگىندەگى جاعدايدىڭ شيەلەنىسۋىنە جول بەرمەۋ كەرەك دەپ سانايمىز، بۇل تەكەتىرەس پەن قاقتىعىسقا اينالماۋى كەرەك، - دەپ كەلتىردى Xinhua قىتايلىق ديپلوماتتىڭ ءسوزىن.

2015 -جىلى يراننىڭ يادرولىق ماسەلەسى بويىنشا بىرلەسكەن جان-جاقتى ءىس- قيمىل جوسپارىنا قول قويىلدى، وعان سايكەس تەگەران حالىقارالىق قاۋىمداستىقتىڭ سانكسيالارىن الىپ تاستاۋى ءۇشىن ءوزىنىڭ يادرولىق باعدارلاماسىن شەكتەۋگە مىندەتتەمە الدى. الايدا 2018 -جىلى ا ق ش ۇكىمەتى يراننىڭ يادرولىق كەلىسىمىنەن ءبىرجاقتى تۇردە شىعىپ، يرانعا قارسى ءبىرقاتار سانكسيانى قالپىنا كەلتىرىپ، كەڭەيتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى