بيۋجەت جوسپارىنىڭ ورىندالماۋىنا سالىق تۇسىمدەرىنىڭ ازايۋى ىقپال ەتتى - ۆيتسە-مينيستر

ونىڭ ىشىندە رەسپۋبليكالىق بيۋجەتكە 11,8 تريلليون تەڭگە نەمەسە جوسپاردىڭ 82 پايىز ءتۇستى. جوسپاردىڭ ورىندالماۋى سالىقتار بويىنشا تۇسىمدەردىڭ ازايۋىنا بايلانىستى بولدى، ول 76 پايىزعا اتقارىلعان.

− جوسپاردىڭ ورىندالماۋىنىڭ نەگىزگى سەبەپتەرى: وتكەن جىلدىڭ سايكەس كەزەڭىمەن سالىستىرعاندا 10 ايدا ءۇشىنشى ەلدەردەن يمپورت كولەمىنىڭ 6,4 پايىزعا نەمەسە 2,3 ميلليارد ا ق ش دوللارىنا ازايۋى جانە نەگىزگى ەكسپورتتىق مەتالدار باعاسىنىڭ ارزانداۋى. ءوز كەزەگىندە 602 ءىرى سالىق تولەۋشى بويىنشا اۆانستىق تولەمدەر سوماسى 27 پايىزعا نەمەسە 267 ميلليارد تەڭگەگە ازايدى، − دەدى ە. ءبىرجانوۆ.

وتكەن جىلدىڭ ءتيىستى كەزەڭىمەن سالىستىرعاندا قوسىلعان قۇن سالىعىن قايتارۋ 2,5 ەسە ۇلعايىپ، 981 ميلليارد تەڭگەنى قۇرادى. سوعان قاراماستان، سالىقتار بويىنشا اتقارىلماۋ كورسەتكىشتەرى سالىقتىق ەمەس تولەمدەردىڭ 1 تريلليون تەڭگەگە ۇلعايۋى ەسەبىنەن وتەلدى.

− جەرگىلىكتى بيۋجەتتەردىڭ مەنشىكتى كىرىستەرى 108 پايىزعا اتقارىلدى جانە 7,2 تريلليون تەڭگەنى قۇرادى. جوسپار 525 ميلليارد تەڭگەگە اسىرا ورىندالدى. وتكەن جىلعى وسىنداي كەزەڭمەن سالىستىرعاندا كىرىستەر 26,5 پايىزعا ءوستى نەمەسە 1,5 تريلليون تەڭگەگە كوپ ءتۇستى، − دەپ ءتۇسىندىردى ۆيتسە-مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى