بيشىمبايەۆ پەن بايجانوۆقا قاتىستى اپەللياتسيالىق سوت وتىرىسى باستالدى

جوعارعى سوت قوعامنىڭ سوت پروتسەسىنە قىزىعۋشىلىعىنىڭ ارتقانىن ەسكەرە وتىرىپ، اپەللياتسيالىق ساتىداعى سوت وتىرىستارىنىڭ ونلاين-ترانسلياتسياسىن جالعاستىرۋ تۋرالى شەشىم قابىلدادى. سوت وتىرىستارى تىكەلەي ەفيردە ءوتىپ جاتىر.

«قىلمىستىق ءىس جۇرگىزۋ كودەكسىنىڭ 424-بابىنا سايكەس، القابيلەردىڭ قاتىسۋىمەن شىعارىلعان ۇكىمگە شاعىمداردى قاراۋ ءتارتىبى ق ى ج ك 66-بابىنداعى ەرەجە بويىنشا جۇزەگە اسىرىلادى. القابيلەردىڭ قاتىسۋىمەن شىعارىلعان ۇكىمنىڭ كۇشىن جويۋ جانە ونى وزگەرتۋ ءۇشىن پروتسەستىك بۇزۋشىلىق قانا نەگىز بولا الادى»، - دەدى سۋديا.

ازىرگە ق. بيشىمبايەۆتىڭ قورعاۋشىسى ەرلان عازىمجانوۆ سويلەپ جاتىر.

ەسكە سالساق، 2023 -جىلى 9-قاراشادا استاناداعى «Bau» مەيرامحاناسىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءوزىنىڭ جۇبايىن سوققىعا جىقتى. ايەل جەدەل جاردەم جەتكەنشە كوز جۇمدى.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى