بيشىمبايەۆ ءىسى: «گاسترو- ورتالىق» ديرەكتورى قاماۋعا الىندى

كۇدىكتى ۋاقىتشا تەرگەۋ يزولياتورىنا قامالدى.

ول قىلمىستى جاسىرىپ، دەر كەزىندە پوليتسياعا حابارلاماعانى ءۇشىن ايىپتالۋى مۇمكىن.

- قالالىق پوليتسيا دەپارتامەنتى ەلوردا مەيرامحانالارىنىڭ بىرىندە ق ر ق ك 99-بابى (كىسى ءولتىرۋ) بويىنشا ايەلدى ءولتىرۋ ىسىنە قاتىستى تەرگەۋدى جالعاستىرۋدا. قىلمىس جاسادى دەگەن كۇدىكتى استانا قالاسىنىڭ تەرگەۋ سوتىمەن قاماۋعا الىندى. قازىرگى ۋاقىتتا تەرگەۋ ورگاندارى وقيعانىڭ بارلىق ءمان-جايلارىن جانە ناقتى ادامداردىڭ كىناسىن انىقتاۋعا باعىتتالعان قاجەتتى ءىس-شارالاردىڭ بارلىق كەشەنىن ورىنداۋدا. ق ر قىلمىستىق كودەكسىنىڭ 432-بابىنا سايكەس، قىلمىستى جاسىرعانى ءۇشىن «گاسترو-ورتالىق» ديرەكتورى تەرگەۋ يزولياتورىنا قامالدى. تاعى دا قىلمىستىق كودەكستىڭ 434-بابى بويىنشا قىلمىستىڭ بولىپ جاتقانى تۋرالى اقپارات بەرمەگەنى ءۇشىن جانە 119-بابىنىڭ 3-تارماعىنا سايكەس، زارداپ شەگۋشىنى قاۋىپتى جاعدايدا قالدىرعانى ءۇشىن قىلمىستىق ءىس قوزعالدى. ءىس استانا قالاسى پوليتسيا دەپارتامەنتى تەرگەۋ باسقارماسىنىڭ جانە ىشكى ىستەر مينيسترلىگىنىڭ باقىلاۋىندا بولادى، - دەدى قالالىق پوليتسيا دەپارتامەنتىنىڭ باستىعى مارات تولەبايەۆ.

سونداي- اق ۆەدومستۆو جالعان اقپارات تاراتقاندار قىلمىستىق جاۋاپقا تارتىلاتىنىن ەسكە سالدى.

ايتا كەتەيىك، قۋاندىق بيشىمبايەۆ ەكى ايعا قاماۋعا الىنعانىن جازعان بولاتىنبىز.

اۆتور

ابىلايحان جۇماشيەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى