بيشىمبايەۆ ءىسى: القابيلەردى ىرىكتەۋ ءوتتى

«القابيلەر القاسىنا 12 ادام تاڭدالدى: 10 - نەگىزگى قۇرام، 2 - قوسالقى.

اشىق رەجيمدە وتەتىن كەلەسى سوت وتىرىسى 2024 -جىلدىڭ 27-ناۋرىزىندا ساعات 16:00 گە بەلگىلەندى»، - دەپ جازدى جوعارعى سوتتان.

ايتا كەتەيىك، بۇعان دەيىن بيشىمبايەۆ ءىسى بويىنشا القابيلەر القاسىنا كانديداتتاردى ىرىكتەيتىن جابىق وتىرىس باستالعانىن جازعانبىز.

2023 -جىلى 9-قاراشادا استاناداعى «Bau» مەيرامحاناسىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءوزىنىڭ جۇبايىن سوققىعا جىقتى. ايەل جەدەل جاردەم جەتكەنشە كوز جۇمدى.

مۇنان سوڭ ىشكى ىستەر مينيسترلىگى قۋاندىق بيشىمبايەۆتىڭ ۇستالعانىن راستادى. وتكەن جىلى 15-قاراشادا وتكەن كەڭەستە مەملەكەت باسشىسى قاسىم-جومارت توقايەۆ ىشكى ىستەر مينيسترىنە ق. بيشىمبايەۆتىڭ ءىسىن ەرەكشە باقىلاۋعا الۋدى تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى