بىشكەكتەگى جاپپاي توبەلەس: زارداپ شەككەندەر سانى كۇرت كوبەيدى

قىرعىزستاننىڭ دەنساۋلىق ساقتاۋ مينيسترلىگىنىڭ مالىمەتىنشە، توبەلەس كەزىندە زارداپ شەككەندەر سانى 41 گە جەتكەن. بۇعان دەيىن ولاردىڭ سانى 29 بولعان.

11 ادام اۋرۋحانادا ەمدەلىپ جاتىر. قالالىق جەدەل جاردەم اۋرۋحاناسىندا ەكى ناۋقاس جاتىر. بىرەۋىنىڭ باس سۇيەگىنە زاقىم كەلگەن، ەكىنشىسىنىڭ جامباس سۇيەگى سىنعان. ناۋقاستاردىڭ جاعدايى تۇراقتى دەپ باعالانىپ وتىر.

ايتا كەتەيىك، 18-مامىرعا قاراعان ءتۇنى بىشكەكتىڭ ءبىرقاتار اۋدانىندا نارازىلىق اكسيالارى ءوتتى، ولار 13-مامىردا بولعان جاپپاي توبەلەسكە قاتىسۋشىلار ءۇشىن ادىلدىك تالاپ ەتتى. ول كەزدە بىشكەك جاتاقحانالارىنىڭ بىرىندە شەتەلدىكتەر مەن قىرعىزستان ازاماتتارى اراسىندا قاقتىعىس بولعان ەدى.

بىشكەكتەگى ستۋدەنتتەرگە ارنالعان جاتاقحانالاردىڭ ماڭىندا جەرگىلىكتى تۇرعىندار مەن شەتەلدىكتەر اراسىندا قاقتىعىستار بولعاننان كەيىن 700 دەن اسا پاكىستاندىق ستۋدەنت قىرعىزستاننان ءوز وتانىنا ەۆاكۋاتسيالاناتىن بولدى. بۇل تۋرالى پاكىستاننىڭ سىرتقى ىستەر ءمينيسترى يسحاك دار مالىمدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى