بىشكەكتە توبەلەستىڭ ارتى جاپپاي تارتىپسىزدىككە ۇلاستى

سۆەردلوۆ اۋداندىق ىشكى ىستەر باسقارماسىنىڭ مالىمەتىنشە، بۋدننىي كوشەسىندە ورنالاسقان كوبىندە شەتەلدىكتەر تۇراتىن حوستەل ماڭىندا جاپپاي توبەلەس بولعان. وعان قاتىسقاندار اراسىندا ءۇش شەتەلدىك بار.

شەتەلدىكتەر جەرگىلىكتى تۇرعىنداردى ۇرىپ-سوققان.

ولارعا قىرعىز رەسپۋبليكاسى قىلمىستىق كودەكسىنىڭ 280-بابى 2-بولىگى 1-تارماعى بويىنشا قىلمىستىق ءىس قوزعالدى. كۇدىكتىلەر قازىر بىشكەك پوليتسياسىنىڭ يزولياتورىندا قاماۋدا وتىر.

دەگەنمەن 17-مامىر كەشكە قاراي حوستەلدىڭ جانىنا الگى شەتەلدىكتەردەن «كەك الىپ، سازايىن بەرۋگە» كەي مالىمەت بويىنشا 300-گە جۋىق جاس جينالعان.

تەز ارادا الگى ءۇش شەتەلدىك ۆيدەو ارقىلى قىرعىز حالقىنان كەشىرىم سۇرادى.

قازىر سۋ اتقىشى بار ىشكى اسكەرلەر كوشە قيىلىسىندا تۇر. ولار 7 -ءساۋىر كوشەسىن سولتۇستىك باعىتتا قورشاۋعا العان.

ولاردىڭ وڭتۇستىك تۇسىنا سول ساعاتتىڭ وزىندە 1000-عا جۋىق ادام جينالدى.

پوليتسيا توسقاۋىل قويىپ، تارتىپسىزدىكتىڭ الدىن الىپ جاتىر.

قورشاۋدى بۇزۋعا ۇمتىلعانداردى ۇستاۋدا. قازىرگە دەيىن 10 شاقتى ادامدى ۇستاپ اكەتكەنىن حابارلادى 24.kg.

اۆتور

جانات قاپالبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى