بوپسالاۋ، توناۋ، الاياقتىق: قاراعاندى وبلىسىندا ۇيىمداسقان قىلمىستىق توپ ۇستالدى
استانا. KAZINFORM - قاراعاندى وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى پروكۋراتۋرانىڭ كومەگىمەن ءبىرقاتار اۋىر قىلمىستار جاساعان قىلمىستىق توپ قكىلدەرىن ۇستادى، - دەپ حابارلايدى Polisia.kz.
- ولارعا قاتىستى بوپسالاۋ، توناۋ، الاياقتىق جانە قارۋدى زاڭسىز ساقتاۋدىڭ 18 ەپيزودى بويىنشا تەرگەۋ جۇرگىزىلۋدە. اتالعان قىلمىستىق ىستەر بويىنشا جابىرلەنۋشىلەرگە كەلتىرىلگەن جالپى زالال 26 ميلليون تەڭگەدەن اسادى. ءتىنتۋ شارالارى بارىسىندا كۇدىكتىلەردەن بىرنەشە اتىس جانە سۋىق قارۋ، سونداي-اق كوپتەگەن وق-دارىلەر تاركىلەندى. قىلمىستىق توپتىڭ بارلىق مۇشەلەرى ۇستالىپ، ۋاقىتشا ۇستاۋ يزولياتورىنا قامالدى. ولاردىڭ باسقا دا ۇقساس فاكتىلەرگە قاتىستىلىعى تەكسەرىلۋدە. «زاڭ جانە ءتارتىپ» قاعيداتىن قامتاماسىز ەتۋ مينيسترلىكتىڭ ەرەكشە باقىلاۋىندا، - دەدى ءىء ى م ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
وسىعان دەيىن قازاقستاندىقتاردى الداپ كەلگەن ترانس ۇلتتىق قىلمىستىق توپتىڭ ارمەنيادا ۇستالعانى تۋرالى جازدىق.
