بوراندا جوعالعان 62 جاستاعى ەر ادام ۇشاقپەن دە ىزدەستىرىلىپ جاتىر
باتىس قازاقستان وبلىسىندا بوران كەزىندە جوعالىپ كەتكەن 62 جاستاعى ەر ادام ۇشاقپەن دە ىزدەستىرىلىپ جاتىر، دەپ حابارلايدى Kazinform.
ب ق و ت ج دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 22-قاراشا كۇنى تەرەكتى اۋدانى اقجايىق اۋىلىندا بولدى.
ساعات 10.00-دە 1961 -جىلعى ەر ادام جۇمىستان شىعىپ كەتكەننەن ۇيىنە ورالماعان. بۇل تۋرالى حابار كەشكى ساعات 20.37-دە تۇسكەن.
«23-قاراشا كۇنى ساعات 13.00-دە ىزدەستىرۋ- قۇتقارۋ جۇمىستارىنا قاتىسۋ ءۇشىن ورال قالاسىنىڭ اۋەجايىنان «ەۆروكوپتەر» اۋە ۇشاعى كوتەرىلدى. بۇعان بارلىعى ەكيپاجدا 3، جەكە قۇرامنان 25 ادام، 9 تەحنيكا جۇمىلدىرىلدى. ب ق و ت ج دەپارتامەنتى تۇرعىندارعا اۋا رايىنىڭ وزگەرۋىن باقىلاپ، اباي بولىپ، ەنگىزىلگەن شەكتەۋلەر تۋرالى اقپاراتپەن تانىسۋعا كەڭەس بەرەدى. اقپاراتتى 112 قۇتقارۋ قىزمەتىنىڭ تەلەفون نومەرىنىڭ حابارلاماسىنان، سونداي-اق «Darmen» موبيلدى قوسىمشاسىنىڭ كومەگىمەن ناقتىلاۋعا بولادى. سونىمەن قاتار ساپارعا شىعا قالعان جاعدايدا وتىن قورى بار كانيستر (كەمىندە 20 ل) جانە قۇيۋعا ارنالعان ىدىس، شاي تەرموسى جانە ازىق- تۇلىك قورى مەن جىلى كيىمنىڭ بولۋى، ەڭ باستىسى، اۆتوكولىك تەحنيكالىق جارامدى كۇيدە بولۋى كەرەك. توتەنشە جاعداي تۋىنداعان جاعدايدا «112» تەلەفون نومىرىنە قوڭىراۋ شالۋ قاجەت»، دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن ورالدا اۋا رايىنا بايلانىستى ۇشاقتار ۇشپاي جاتقانىن جازعان بولاتىنبىز.
سونداي-اق باتىس قازاقستاندا ەلەكتر جەلىلەرى ءۇزىلىپ، جولدار جابىلدى.
ورال قالاسىندا قار تازالاۋ جۇمىستارى جۇرگىزىلىپ جاتىر.
