بولات نازاربايەۆتىڭ ۇلەسىندەگى قورداي اۋدانىنداعى بازاردىڭ جەرى مەملەكەتكە قايتارىلدى

جامبىل وبلىسىنىڭ پروكۋراتۋراسى ۋچاسكەنى بەرۋ كەزىندە ونىڭ ءتارتىبى بۇزىلعانىن مالىمدەدى.

«اتاپ ايتقاندا اۋىل شارۋاشىلىعى ماقساتىنداعى ەرەكشە قورعالۋعا جاتاتىن اۋدانى 22,25 گ ا سۋارمالى ەگىستىك جەردىڭ ءبىر بولىگى بازارعا قىزمەت كورسەتۋ ءۇشىن بەرىلگەن. وسىعان بايلانىستى اۋدان پروكۋراتۋراسى اۋدان جانە اۋىلدىق وكرۋگ اكىمدىكتەرىنىڭ اكتىلەرىن، ساتىپ الۋ-ساتۋ شارتتارىن جارامسىز دەپ تانۋ جانە كۇشىن جويۋ تۋرالى سوتقا تالاپ قويۋ بەردى.

جامبىل وبلىستىق سوتىنىڭ ازاماتتىق ىستەر جونىندەگى سوت القاسىنىڭ 2023-جىلعى 28- جەلتوقسانداعى قاۋلىسىمەن «قاراساي ب ن-تاراز» ج ش س- مەن قورداي اۋدانى اكىمدىگىنىڭ جەر قاتىناستارى ءبولىمى اراسىنداعى 24.07.2007 -جىلعى  81№ جانە  82№ جەر ۋچاسكەلەرىن ساتىپ الۋ-ساتۋ، جەر ۋچاسكەلەرىن وتەۋسىز بەرۋ تۋرالى «قورداي ينۆەست» ج ش س- نىڭ بارلىق شارتتارى جارامسىز دەپ تانىلىپ، كۇشتەرى جويىلدى»، - دەپ جازدى باقىلاۋشى ورگاننان.

سوت قاۋلىسى 2023-جىلعى 28- جەلتوقساندا زاڭدى كۇشىنە ەنگەن، جەر ۋچاسكەلەرىنە مەملەكەتتىك اكتىلەردىڭ كۇشى جويىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى