بولات نازاربايەۆ «التىن وردا» بازارىنىڭ يەسى ەمەس

تامىز ايىندا الماتىداعى «التىن وردا» بازارىندا ءبىرقاتار زاڭبۇزۋشىلىقتار انىقتالعان ەدى.

ارمان شاققاليەۆ «بولات نازاربايەۆ بازار يەسى رەتىندە جاۋاپقا تارتىلا ما؟» دەگەن سۇراققا جاۋاپ بەردى.

«ءبىز زەرتتەگەن قۇجاتتاماعا سايكەس، ول (بازاردىڭ - رەد.) يەسى ەمەس، سوندىقتان مەن ونىڭ جەكە تۇلعاسى جايىندا باسقا ەشتەڭە ايتا المايمىن. بازارعا بولات نازاربايەۆتىڭ قاتىسى بار دەپ تە زاڭ جۇزىندە ايتا المايمىز. بۇل بازار بويىنشا مەنشىك يەسى رەتىندە تىركەلگەن ج ش س بار، ولار وسى جول كارتاسىنا قول قويىپ، مىندەتتەمە العان. ياعني، سولاردان جاۋاپ سۇرالادى. ولار رەەستردە تىركەلگەن جانە رەسمي مەنشىك يەسى سانالادى. (...) ءبىز قۇقىقتىق الاڭدا ءومىر سۇرەمىز. ەگەر يەسى رەتىندە بولات نازاربايەۆ راسىمدەلگەن بولسا، ۇلەسى بولسا، كەلىسىمشارتتارعا قول قويسا - وندا زاڭ الدىندا ءبارى تەڭ، مۇندا يممۋنيتەت جوق. سوندىقتان ءبىز بازاردى زاڭدى تۇردە راسىمدەگەن ادامدارمەن اينالىسامىز. بولات نازاربايەۆ ەشقانداي تەرگەۋدەن ءوتىپ جاتقان جوق»، - دەيدى مينيستر.

بۇعان دەيىن ارمان شاققاليەۆ كيىك ەتىن شەتەلگە ەكسپورتتاۋ تۋرالى تىلشىلەر سۇراعىنا جاۋاپ بەرگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى