بولاشاقتا جاپونيادا 14 جاسقا تولماعان ءبىر عانا بالا قالادى - عالىمدار
استانا. KAZINFORM - جاپونيادا تۋۋ دەڭگەيى قازىرگى دەڭگەيدە جالعاسا بەرسە، 2720 -جىلدىڭ 5 -قاڭتارىنا قاراي ەلدە 14 جاسقا تولماعان ءبىر عانا بالا بولادى، دەپ جازادى The Japan Times.
مۇنداي بولجامدى توحوكۋ ۋنيۆەرسيتەتىنىڭ پروفەسسورى حيروسي يەسيدا ايتتى.
ەسەپتەۋلەر وتكەن جىلدىڭ ءساۋىر ايىنداعى بالالار سانى مەن اعىمداعى بالالار سانى اراسىنداعى ايىرماشىلىق رەتىندە ەسەپتەلەتىن بالالار سانىنىڭ جىل سايىنعى تومەندەۋ قارقىنىنا نەگىزدەلگەن.
جاپونيادا تۋۋ كورسەتكىشى جىلدام تومەندەپ كەلەدى. دەنساۋلىق ساقتاۋ مينيسترلىگىنىڭ سوڭعى مالىمەتتەرىنە سايكەس، تۋۋ كوەففيتسيەنتى 2023 -جىلى رەكوردتىق دەڭگەيگە دەيىن تومەندەدى - 1,20.
بۇل قۇلدىراۋدىڭ نەگىزگى سەبەپتەرىنىڭ ءبىرى - نەكە سانىنىڭ تومەندەۋى. وسى دەموگرافيالىق سىناققا قارسى تۇرۋ ءۇشىن بيلىك جاستاردى نەكەگە تۇرۋعا ىنتالاندىرۋعا باعىتتالعان ءتۇرلى شارالاردى قاراستىرىپ جاتىر.
بۇعان دەيىن توكيو دەموگرافيالىق داعدارىستى شەشۋ ءۇشىن مەملەكەتتىك قىزمەتكەرلەرگە 4 كۇندىك جۇمىس اپتاسىن ەنگىزۋدى جوسپارلاپ وتىرعانى حابارلانعان.
ەركەجان سماعۇلوۆا
اۆتور
