بوكستان قۇرامانىڭ باس باپكەرى الەم چەمپيوناتىنان سوڭ مالىمدەمە جاسادى
استانا. KAZINFORM - بوكستان قازاقستان قۇراماسىنىڭ باس باپكەرى ەلدوس سايدالين لوس-اندجەلەستە 2028-جىلى وتەتىن وليمپيادا ويىندارىنا دايىندىق تۋرالى مالىمدەمە جاسادى.
قازاقستاندىق قۇراما سايداليننىڭ جەتەكشىلىگىمەن سەربيادا وتكەن الەم چەمپيوناتىندا ءۇش التىن، ەكى كۇمىس جانە ءبىر قولامەن جالپى كوماندالىق ەسەپتە ەكىنشى بولدى.
مامان ءتورت جىلدىقتىڭ ەڭ ۇلكەن سايىسىنا قاتىستى پىكىر ءبىلدىردى.
«2028-جىلعى وليمپياداعا دايىندىقتى باستاپ كەتتىك. ءارتۇرلى قۇراممەن وقۋ-جاتتىعۋ جيىنىن وتكىزىپ جاتىرمىز. بۇل بولاشاق وليمپياداعا ءار جاس ساناتىنان ۇمىتكەرلەر بولاتىنىن بىلدىرەدى. جاس سپورتشىلار تاجىريبەلى بوكسشىلاردان ۇيرەنسە، تاجىريبەلى سپورتشىلار جاستاردىڭ تالپىنىسىنان شابىت الادى. بۇل كوماندانىڭ جالپى دەڭگەيىنە وڭ اسەرىن تيگىزەدى.
سپورتشىلار مەن جاتتىقتىرۋشىلاردىڭ ىنتاسى مەن تالپىنىسى وتە جوعارى. ماۋسىمدى جاقسى قارقىندا باستاپ، 2025 -جىل جەمىستى بولادى دەپ ۇمىتتەنەمىز» - دەگەن سايداليننىڭ ءسوزىن Olympic.kz بەردى.
