بوكستان الەم چەمپيونى مەرەي اقشالوۆقا قۇرمەت بەلگىسى تابىستالدى

ونى بەلگىلى بوكسشىعا ق ر تۋريزم جانە سپورت مينيسترلىگى سپورت جانە دەنە شىنىقتىرۋ كوميتەتىنىڭ ءتوراعاسى رۋسلان ەسەنالين تابىستادى.

- قازاقستان بوكس فەدەراتسياسىنىڭ باس حاتشىسى مەرەي اقشالوۆقا ت م د پارلامەنتارالىق اسسامبلەياسىنىڭ قۇرمەت بەلگىسىن تابىستادى. كۋالىك «دەنە شىنىقتىرۋ، سپورت جانە تۋريزم سالاسىنىڭ دامۋىنا قوسقان ۇلەسى ءۇشىن» بەرىلدى، - دەپ اتاپ ءوتتى سپورت جانە دەنە شىنىقتىرۋ كوميتەتىنىڭ باسپا ءسوز قىزمەتى تاراتقان حابارلامادا.

ەستەرىڭىزگە سالا كەتسەك، مەرەي اقشالوۆ جاقىندا عانا قازاقستان بوكس فەدەراتسياسىنىڭ باس حاتشىسى بولىپ تاعايىندالعان بولاتىن.

مەرەي تولەگەن ۇلى اقشالوۆ - بوكستان حالىقارالىق دارەجەدەگى سپورت شەبەرى، 2004-جىلى كادەتتەر اراسىندا ازيا چەمپيونى اتانعان، 2006-جىلى ماروككودا وتكەن جاس وسپىرىمدەر اراسىنداعى الەم بىرىنشىلىگىندە توپ جارعان، 2010-جىلى ا ق ش- تا وتكەن اسكەريلەر اراسىنداعى الەم چەمپيوناتىندا التىن مەدال جەڭىپ العان، سونداي-اق سوڭعى 2010-2012-جىلدارى «استانا» ارلاندارى ساپىندا ونەر كورسەتىپ، 2012-جىلعى ەل بىرىنشىلىگىندە 64 كەلى سالماقتا چەمپيون اتانعان.

مەرەي تولەگەن ۇلى اقشالوۆتىڭ تۋعان جەرى بۇرىنعى سەمەي وبلىسى اياكوز اۋدانى مىڭبۇلاق اۋىلى.

استانا قالاسىنداعى قاجىمۇقان اتىنداعى دارىندى بالالارعا ارنالعان مەكتەپ-ينتەرنات تۇلەگى.

اۆتور كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى