بوكسشى جانىبەك ءالىمحان ۇلى كەزەكتى جەكپە-جەگىنىڭ الدىندا مالىمدەمە جاسادى
استانا. KAZINFORM - جەڭىلىپ كورمەگەن قازاقستاندىق بوكسشى جانىبەك ءالىمحان ۇلى (15-0، 10 ك و) جاڭا زەلانديالىق اندرەي ميحايلوۆيچپەن (21-0، 13 ك و) جەكپە-جەك الدىندا مالىمدەمە جاسادى.
بۇل تۋرالى Sports.kz جازدى.
«بوكسشى ءارقاشان 100 پايىز دايىن بولۋى ءتيىس»، - دەپ جازدى جانىبەك X (بۇرىنعى Twitter) پاراقشاسىندا كەزەكتى جاتتىعۋىنىڭ ۆيدەوسىن قوسا جاريالاپ.
ەسكە سالا كەتسەك، 14-شىلدە كۇنى تاڭەرتەڭ (استانا ۋاقىتىمەن) لاس-ۆەگاستا (ا ق ش) وتەتىن ءالىمحان ۇلى- ميحايلوۆيچ جەكپە-جەگىندە WBO جانە IBF نۇسقاسى بويىنشا ورتا سالماقتاعى ەكى الەم چەمپيونى تيتۋلدارى ساراپقا سالىنادى. ءالىمحان ۇلى قازىر ەكى بەلدىكتىڭ دە يەگەرى.
اۆتور
زارينا تۋعانبايەۆا
