بەتاشار يۋنەسكو تىزىمىنە ەندى
استانا. KAZINFORM - پاراگۆاي استاناسىندا «بەتاشار» سالتى يۋنەسكو- نىڭ ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزىلدى.
بۇل تۋرالى بۇگىن ءوزىنىڭ Facebook پاراقشاسىندا مەملەكەتتىك كەڭەسشى ەرلان قارين جازدى.
- جاڭا عانا پاراگۆاي استاناسى اسۋنسوندا يۋنەسكو- نىڭ ماتەريالدىق ەمەس مادەني مۇرانى قورعاۋ كوميتەتىنىڭ وتىرىسىندا قازاقتىڭ ەجەلگى سالتتارىنىڭ ءبىرى بەتاشار ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزىلدى، - دەپ جازدى قارين.
وسىعان دەيىن يۋنەسكو باس كونفەرەنتسياسى 42- سەسسياسىنىڭ ءتوراعاسى سيمونا ميرەلا ميكۋلەسكۋ كوشپەندىلەر ويىندارى يۋنەسكو- نىڭ ماتەريالدىق ەمەس مادەني مۇرالارىنىڭ تىزىمىنە ەنگەنىن ايتقان بولاتىن.
