بەس رەت بەتى اشىلعان كەلىن: قالىڭمالدى بيزنەسكە اينالدىرعان تۇركىستاندىق وتباسى

بۇل تۋرالى كەلىننىڭ ەكس-ەنەلەرى «كورەمىز» باعدارلاماسىنا كەلىپ ايتتى، - دەپ حابارلايدى Massaget.kz ءتىلشىسى.

جيەن كەلىنىنە الدانعان رايحان جۇمانوۆا ءمان-جايدى باسىنان بايانداپ بەردى.

«جيەنىم ۇيلەنىپ، تۋعان اپكەم كەلىن ءتۇسىردى. قىز بەن جىگىت بولىپ 1,5 اي سويلەسكەن. بۇدان بۇرىن نەكەسى بارىن بىلمەدىك. الىپ-قاشىپ كەلگەن سوڭ ۇلكەن تويدى 1,5 ايدان سوڭ جاسايتىن بولدىق. تۇسكەن كەزدە اۋقىمدى ەتىپ بەتاشار جاسادىق. ۇلكەن تويعا ءبىر كۇن قالعاندا بىزدەن الدىن كەلىن بوپ تۇسكەن ادام حابارلاستى. «سەندەرگە تۇسكەن كەلىن ءبارىن سان سوقتىرىپ ءجۇر، سەندەردى دە سول جاعدايعا جەتكىزبەي تۇرعاندا ەرتەرەك قولعا الىڭدار» دەدى. بىردەن سەكەم الىپ، شوك بولدىق. سەبەبى تويدىڭ بۇكىل دۇنيەسى دايىن ەدى. اپكەم قىزدارىن، ابىسىندارىن جيناپ، اۋدانعا بارىپ اقىلداسادى. ءسويتىپ، تويدىڭ الدىن سالونعا بارعان ساتىندە پوليتسيا قىزمەتكەرلەرىنە حابارلاپ، سولار الىپ كەتكەن. ءبىراق قازىر بوستاندىقتا ءجۇر. نەگىزى اۋەل باستان ۇلتىن، ءتولقۇجاتىن جاسىردى. نەكەگە دە تۇرا المادى. ءبارىن جاسىرادى. بىزگە دەيىن ءتورت رەت بەتى اشىلعان ەكەن. ءبىز قالىڭ مالعا 1 ميلليون تەڭگە بەردىك. ەندى الدانىپ وتىرمىز»، - دەدى رايحان جۇمانوۆا.

قىزىلوردالىق عازيزا مامبەتوۆا دا وسى كەلىنگە الدانعانداردىڭ ءبىرى. 5-6 ميلليون تەڭگەگە توي جاساپ، قالىڭ مالىنا 1 ميلليون تەڭگە بەرگەن ول بۇگىن دە بەرگەن اقشالارىنىڭ وتەمىن تالاپ ەتىپ وتىر.

«جازدا بىرەۋ قوڭىراۋ شالىپ، «ءسىزدىڭ كەلىنىڭىز تاعى دا بەتى اشىلايىن دەپ جاتىر ەكەن عوي» دەپ ايتتى. شوشىپ كەتتىم. «مەن سياقتى تاعى ءبىر انانى سورلاتايىن دەگەن عوي» دەپ ويلاپ، بىردەن تويحانادان توي يەسىنىڭ ءنومىرىن سۇراپ، بارلىق جاعدايدى ايتتىم. فاكت بويىنشا نەگىزى ءۇشىنشى ەنەسى سياقتىمىن. بالام سويلەسىپ جۇرگەن قىزىن كورسەتتى. سوسىن بىردەن اناسىمەن تانىسىپ، سويلەستىم. «ۇزاتۋعا شامام كەلمەيدى، الام دەسەڭدەر توي جاساساڭىزدار» دەدى. «بۇرىن قىزىڭ تۇرمىس قۇرماپ پا ەدى» دەپ سۇرادىم. «قىزىم قىلىقتى، سۇلۋ بولعاندىقتان ەكى رەت الىپ قاشىپ كەتتى، ءبىراق بوساعاعا جەتكىزبەدىك» دەدى. «ەلدىڭ بەرىپ جاتقان قالىڭ مالىن بەرىڭىز» دەدى. سوسىن 1 ميلليون تەڭگە بەردىم. كەيىن تۇركىستاندا بەتاشارىمەن قوسىپ، ۇلكەن توي جاسادىم. 5-6 ميلليون تەڭگەدەي شىعىن كەتتى. نەكەسىن قيدىرتايىق دەسەك، ءتولقۇجاتىن كورسەتپەيدى. كۇيەۋىم ەكەۋمىز ۆاحتادا جۇمىس ىستەيمىز. ۇيلەنگەن سوڭ ۇيدە بالام ەكەۋى قالعان. سول كەزدە بالام اسەلدىڭ تەلەفونىنان «مەن سەنىڭ بەتپەردەڭدى اشامىن» دەپ جازىلعان حابارلامان كورەدى. كۇماندانىپ، ماعان سول جازعان ادامنىڭ ءنومىرىن جىبەردى. «ماما، حابارلاسىپ كورىڭىزشى» دەپ ايتتى. سويتسەم، «اپا، الىپ وتىرعان كەلىنىڭىزدىڭ وتكەنىن بىلەسىز بە؟ بىرىنشىسىندە وزبەككە شىقتى، ەكىنشى رەت بىزگە كەلىن بولىپ ءتۇستى» دەدى. شوكتا بولدىم. جۇمىستا بولعاندىقتان شىعا المادىم دا، اۋىلداعى قايىناپاما ايتتىم. ول ۇيگە باردى. «ءيا، وندا تۇرعان نە بار، نەشەۋىنە تيسەم دە ءوزىم بىلەمىن، ماعان نۇرداۋلەت ۇنامايدى، كەتەمىن» دەپ كيىمىن جيناي باستاپتى. «قالا عوي، اتا-ەنەڭ كەلسىن، سويلەسەيىك» دەپ ايتسا، پىشاق الا جۇگىرىپتى. سوسىن پوليتسەي قىزمەتكەرىن شاقىرىپ، سول الىپ كەتكەن»، - دەدى عازيزا مامبەتوۆا.

21 جاستاعى بەس رەت بەتى اشىلعان، بىرنەشە وتباسىنى الداعان اسەلدى «كورەمىز» ۇجىمى تۇركىستان وبلىسىنان تاپتى. جاقىندا تاعى دا ءبىر وتباسىنىڭ كەلىنى اتانعان. مۇنداعى وتباسى دا قالىڭ مالعا دەپ 1 ميلليون تەڭگە بەرگەن.

«ءبارىن دە تانيمىن. ولار مەنى الىپ قاشىپ كەتتى. ۇناتپادىم ولاردى. قازىر انام كەلسىن، سوسىن سويلەسەمىز»، - دەدى اسەل.

اسەلدىڭ اناسى باعدارلاما ۇجىمىنا وقيعانىڭ بارلىعى راس ەكەنىن ايتىپ، اعىنان جارىلدى.

«17 جاسىندا الىپ قاشىپ كەتتى، ودان قايتىپ كەلدى. ودان كەيىن تەمىر جەرگە الداپ الدى. 16 جاس ۇلكەن جىگىتكە شىقتى، 2 كۇننەن كوپ تۇردى. ءوزى تاڭداعانىممەن، اۋىلدىق جەردە تۇرا المادى. «كەتەم» دەگەسىن الىپ كەتتىم. كەلىنتوبەدەن تانىسىما تۇرمىسقا بەردىم. ءبىراق ۇناتپادى، قايتىپ كەلدى. وسى جازدا جەتىسايعا قاشىپ كەتتى. «جاقسى كورەمىن» دەدى. سوسىن جاڭاعى بۇرىنعىلار وتكەنىن ايتىپ، اجىراستىردى. سودان قايتىپ كەلدى»، - دەدى اناسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى