بەس جىل ىشىندە قالالار سانى 3 بىرلىككە ءوستى
استانا. KAZINFORM - سوڭعى بەس جىلدا قازاقستانداعى قالالار سانى 2 وبلىستىق جانە 1 اۋداندىق ماڭىزى بار قالالاردى قوسا العاندا 3 بىرلىككە ارتتى. 2024 -جىلدىڭ 1-شىلدەسىنە ەلىمىزدە قالا مارتەبەسى بار 90 ەلدىمەكەن تىركەلگەن. بۇل تۋرالى ۇلتتىق ستاتيستيكا بيۋروسىنىڭ باسپا ءسوز قىزمەتى ءمالىم ەتتى.
ولاردىڭ ىشىندە:
39 - وبلىستىق ماڭىزداعى
48 - اۋداندىق ماڭىزداعى
3 - رەسپۋبليكالىق ماڭىزداعى
قالالاردىڭ ەڭ كوپ سانى اقمولا وبلىسىندا - 11 بىرلىك، اقتوبە جانە قاراعاندى وبلىستارىندا - ءارقايسىسىندا 8-دەن.
«بەس جىل بۇرىن قالا حالقىنىڭ ۇلەسى %58 قۇراعان، بۇگىندە بۇل كورسەتكىش %62,7 دەيىن ءوستى. وسىلايشا قالا حالقىنىڭ سانى 12,6 ميلليون ادامعا جەتتى»، - دەلىنگەن حابارلامادا.
ەڭ كوپ قالا تۇرعىندارىنىڭ سانى رەسپۋبليكالىق ماڭىزى بار قالالاردا: استانا - 1,4 ميلليون، الماتى - 2,2 ميلليون، شىمكەنت - 1,2 ميلليون ادام. وبلىستار ىشىندە 927 مىڭ قالالىق تۇرعىنى بار قاراعاندى مەن 709 مىڭ قالا تۇرعىنى بار اقتوبە وبلىستارىندا ۋربانيزاتسيا دەڭگەيى ەڭ جوعارى.
اۆتور
باقىتگۇل اباي قىزى
