بريتانيالىق باعبان الىپ قيار مەن بايالدى ءوسىرىپ، الەمدىك رەكورد ورناتتى
لوندون. KAZINFORM - بريتانيادا الىپ جەمىستەر مەن كوكونىستەر ءوسىرۋدىڭ چەمپيونى رەتىندە تانىلعان كيەۆين فورتەي رەكوردتارىن جاڭارتىپ، تاعى ەكى الەمدىك دەڭگەيدەگى جەتىستىككە جەتتى، دەپ حابارلايدى Kazinform ءتىلشىسى.
ۋەلستەگى كۋمبران قالاسىنىڭ 46 جاستاعى تۇرعىنى جاقىندا دۇنيەجۇزى بويىنشا ەڭ بيىك 6,5 مەترلىك قيار وسىمدىگىن ءوسىرىپ، حالىقتى تاڭ قالدىردى. سونىمەن قاتار ول ۇزىندىعى 40 سانتيمەتر بولاتىن الەمدەگى ەڭ ۇزىن بايالدىنى ءوسىرىپ، رەكورد ورناتتى.
كيەۆين فورتەيدىڭ الىپ كوكونىس وسىرۋگە دەگەن قۇشتارلىعى اكەسى مايك فورتەيدەن دارىعان. بۇرىن ول توماتيللو، قاۋىن جانە كۇنباعىس سياقتى ايدىك وسىمدىكتەرىمەن تانىلعان بولاتىن. سونداي-اق اقساقال 1980-جىلدارى الىپ كوكونىستەر چەمپيوناتىنىڭ نەگىزىن قالاعان كىسى. بۇل شارا قازىر عالامدىق دەڭگەيدەگى وقيعاعا اينالىپ وتىر.
كيەۆين فورتەيدىڭ جەتىستىكتەرى باعبانداردىڭ جاڭا بۋىنىن كوكونىستەر الەمىن زەرتتەۋگە شابىتتاندىرۋدا.
