بۇرىنعى ۆيتسە-مينيسترگە سوت ۇكىم شىعاردى

سوتتا ەكس-ۆيتسە-مينيستر 2018-جىلدىڭ اقپانىنان 2020-جىلدىڭ شىلدەسىنە دەيىن «اتامەكەن» ۇ ك پ مۇددەلەرى ءۇشىن ءتيىمدى رەسمي شەشىم قابىلداۋعا ىقپالداسىپ، دەلدال ارقىلى م. -دان 115 مىڭ ا ق ش دوللارى جانە 8 ميلليون 150 مىڭ تەڭگە اقشانى پارا رەتىندە العانى ايتىلعان.

سوتتالۋشىنىڭ كىناسى كۋاگەرلەردىڭ ايعاقتارىمەن، ۇيالى تەلەفونداعى حات-حابارلارمەن، جاسىرىن تەرگەۋ ارەكەتتەرىنىڭ جازبالارىمەن، ساراپتاما اكتىلەرىمەن، زاتتاي دالەلدەمەلەرمەن دالەلدەنگەن. پروكۋرور ايىپتاۋدى قولداپ، 12 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى. ال سوتتالۋشى اقتاۋدى وتىنگەن.

ناتيجەسىندە سوت ايىپتالۋشىنىڭ جاس بالالارىنىڭ بولۋىن قىلمىستىق جاۋاپتىلىق پەن جازانى جەڭىلدەتەتىن ءمان-جاي رەتىندە، ال قابىلداعان انتىن بۇزۋى اۋىرلاتاتىن ءمان-جاي رەتىندە تانىلدى.

«سوت ۇكىمىمەن ەكس-ۆيتسە-مينيستر قىلمىستىق كودەكستىڭ 366-بابىنىڭ 4-بولىگىندە كوزدەلگەن قىلمىستىق قۇقىق بۇزۋشىلىق ءۇشىن كىنالى دەپ تانىلىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلىپ، 10 جىل مەرزىمگە باس بوستاندىعىنان ايىرىلدى. ۇكىم زاڭدى كۇشىنە ەنگەن جوق»، - دەپ جازىلعان قالالىق سوتتىڭ رەسمي حابارىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى