بەرىك ءۋالي اباي وبلىسىنىڭ اكىمى بولىپ تاعايىندالدى

- مەملەكەت باسشىسىنىڭ وكىمىمەن بەرىك ءۋالي اباي وبلىسىنىڭ اكىمى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى، - دەلىنگەن حابارلامادا.

بەرىك ءۋالي 1977 -جىلى سەمەي وبلىسىندا دۇنيەگە كەلگەن.

ت. جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىن «كينو تانۋشى»، ءال-فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا» (ماگيستراتۋرا)، سونداي-اق قازاق يننوۆاتسيالىق گۋمانيتارلىق- زاڭ ۋنيۆەرسيتەتىن «قۇقىق تانۋ» ماماندىقتارى بويىنشا بىتىرگەن.

ەڭبەك جولىن 1997 -جىلى «تاڭ» تەلەكومپانياسىندا «الماتى جاڭالىقتارى» اقپاراتتىق باعدارلاماسىنىڭ ءتىلشىسى بولىپ باستاعان.

1998-1999 -جىلدارى - «ن ت ك» تەلەارناسىندا «جاڭالىقتار» اقپاراتتىق باعدارلاماسىنىڭ شىعارۋشى رەداكتورى.

2000-2007 -جىلدارى - «31- كانال» تەلەراديوكومپانياسىندا» «ينفورمبيۋرو» اقپاراتتىق باعدارلاماسىنىڭ باس رەداكتورى، «ەركىن ءسوز» باعدارلاماسىنىڭ اۆتورى ءارى جۇرگىزۋشىسى، «دودا» ساياسي توك-شوۋىنىڭ باس رەداكتورى ءارى جۇرگىزۋشىسى.

2007-2012 -جىلدارى - «حابار» اگەنتتىگى» ا ق اقپاراتتىق باعدارلامالار ديرەكسياسى جاڭالىقتار قىزمەتىنىڭ ءتىلشىسى، «بەتپە- بەت» اقپاراتتىق-ساراپتامالىق باعدارلاماسىنىڭ جۇرگىزۋشىسى.

2009-2012 -جىلدارى - «نۇر وتان» پارتياسى «نۇر-مەديا» ج ش س جەمقورلىققا قارسى مەديا-ورتالىعىنىڭ باسشىسى.

2012-2015 -جىلدارى - وڭتۇستىك قازاقستان وبلىسى اكىمى اپپارات باسشىسىنىڭ ورىنباسارى - باسپا ءسوز قىزمەتىنىڭ جەتەكشىسى، ىشكى ساياسات جانە ءدىن ىستەرى باسقارماسىنىڭ باسشىسى.

2015-2016 -جىلدارى - «نۇر-وتان» پارتياسى ءتوراعاسى ءبىرىنشى ورىنباسارىنىڭ كەڭەسشىسى.

2016-2018 -جىلدارى - قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ كەڭەسشىسى، اقپاراتتىق قامتاماسىز ەتۋ دەپارتامەنتىنىڭ ديرەكتورى.

2017-2018 -جىلدارى - «قازاقستان» ۇلتتىق تەلەارناسى «1-ستۋديا» قوعامدىق- ساياسي توك-شوۋىنىڭ جۇرگىزۋشىسى.

2018-2019 -جىلدارى - جامبىل وبلىسى اكىمدىگى ىشكى ساياسات باسقارماسىنىڭ باسشىسى.

2019-2022 -جىلدارى - قازاقستان رەسپۋبليكاسى پرەزيدەنتىنىڭ باسپا ءسوز حاتشىسى.

2022-2023 -جىلدارى - «حابار» اگەنتتىگى» ا ق باسقارما ءتوراعاسى.

2023 -جىلعى 12-قىركۇيەكتە مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ كەڭەسشىسى - پرەزيدەنتتىڭ باسپا ءسوز حاتشىسى لاۋازىمىنا تاعايىندالدى.

«دارىن» مەملەكەتتىك جاستار سىيلىعىنىڭ (2011)، «پاراسات» (2024)، «قۇرمەت» (2019) وردەندەرىنىڭ، ق ر پرەزيدەنتى العىسىنىڭ (2021)، ق ر پرەزيدەنتى اكىمشىلىگىنىڭ «ءمىنسىز قىزمەتى ءۇشىن» توسبەلگىسىنىڭ (2022) جانە 5 مەرەكەلىك مەدالدىڭ يەگەرى.

وسىعان دەيىن ەرۇلان جاماۋبايەۆ ق ر ۇلتتىق بانكى ءتوراعاسىنىڭ ءبىرىنشى ورىنباسارى بولىپ تاعايىندالعانىن جازعان ەدىك.

سونىمەن قاتار ەلىمىزدىڭ شىعىسىندا ءبىرقاتار اۋىس-ءتۇيىس بولدى. ماسەلەن ەرمەك كوشەربايەۆ ش ق و اكىمى قىزمەتىنەن بوساتىلىپ، پرەمەر- ءمينيستردىڭ ورىنباسارى لاۋازىمىنا تاعايىندالدى.

ال نۇرلان ۇرانحايەۆ اباي وبلىسىنىڭ اكىمى لاۋازىمىنان بوساتىلعانى بەلگىلى بولدى.

بۇعان دەيىن Kazinform ءتىلشىسى نۇرلان ۇرانحايەۆ اباي وبلىسى اكىمى قىزمەتىندە، ەرمەك كوشەربايەۆ ش ق و اكىمى قىزمەتىندە نەسىمەن ەستە قالعانىن زەردەلەپ كوردى.

اۆتور

اينۇر تۋماكبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى