«بۇركىت» ارنايى جاساعى: اسكەري كيىمى، دايىندىعى جانە قارۋ-جاراعى

استاناداعى 5573 اسكەري بولىمىندە ب ا ق وكىلدەرىنىڭ قاتىسۋىمەن وتكەن پرەسس-تۋردا وسى سۇراقتارعا جاۋاپ بەرىلدى.

بيىل ق ر ۇلتتىق ۇلانى «بۇركىت» ارنايى ماقساتتاعى بولىمشەسىنىڭ قۇرىلعانىنا 25 جىل تولىپ جاتىر. بۇل پرەسس- تۋر دا وسى ءبىر ايتۋلى داتاعا وراي ۇيىمداستىرىلعان.

ۇلتتىق ۇلان ق ر ىشكى ىستەر ورگاندارىنىڭ بىرىڭعاي جۇيەسىنە كىرەدى. باستى مىندەتى - قوعام مەن مەملەكەتتىڭ قاۋىپسىزدىگىن قامتاماسىز ەتۋ، ەل ازاماتتارىنىڭ قۇقىعى مەن بوستاندىعىن قورعاۋ.

ب ا ق وكىلدەرىنە اۋەلى 5573 اسكەري ءبولىمىنىڭ ورنالاسقان اۋماعى ماكەت ارقىلى تانىستىرىلدى. اسكەري ءبولىمنىڭ اۋماعى كەڭ، تۇتاس 21 گەكتار جەردى الىپ جاتىر جانە ءۇش بولىكتەن تۇرادى. بىرىندە اسكەريلەردىڭ كازارماسى ورنالاسسا، ەكىنشىسى تىل اۋماعى اتالادى. ۇشىنشىسىندە اسكەري قويمالار، ارنايى تەحنيكالاردىڭ تۇراقجايى، جاتتىعۋ الاڭدارى بار.

اسكەري كازارما ءىشى تاپ-تازا، تاپ-تۇيناقتاي. توسەكتەردىڭ قىرى شىعىپ تۇر. وسىندايدا قازاقتىڭ «قىزدىڭ جيعان جۇگىندەي» دەيتىن تىركەسى ويعا ورالادى. الايدا، بۇل جەردە ۇلتتىق ۇلان ساپىندا مەرزىمدى اسكەري قىزمەت اتقارىپ جۇرگەن ساربازدار تۇراتىنىن، ولار ءوز جاتىن ورنىن وزدەرى جينايتىنىن ءتۇسىنىپ تۇرمىز.

ب ا ق وكىلدەرىن قارسى الىپ، اينالانى تىنباي تانىستىرىپ

كەلە جاتقان - 5573 اسكەري ءبولىمىنىڭ كومانديرى، گەنەرال ايان ەسجانوۆ مىرزا.

كازارما الدىنداعى جاتتىعۋ الاڭىنا جەتكەندە كومانديردى جاۋىنگەرلىك قىزمەت ءبولىمىنىڭ باستىعى پودپولكوۆنيك امانگەلدى وماروۆ قارسى الىپ، ەسەپ بەردى. الاڭدا اسكەري قىزمەتشىلەر دەنە جاتتىعۋلارىن جاساپ جاتتى.

ۇلتتىق ۇلان ساربازدارىنىڭ دايىندىعىنا جاۋاپتى امانگەلدى تۇرعانباي ۇلىنىڭ ايتۋىنشا، مۇندا تۇسكەن ءار سارباز العاشى 30 كۇن ىشىندە وقۋ پۋنكتىندە ءبىلىم الادى. ودان كەيىن ەكى اپتا جاۋىنگەرلىك قىزمەتكە دايىندىقتان وتەدى. وسى كەزدە اكىمشىلىك كودەكستىڭ وزدەرى قىزمەت بابىندا قولداناتىن بارلىق باپتارىن، قۇقىقتىق نورمالاردى جاتتايدى.

ال ءار كۇنى جاۋىنگەرلىك قىزمەتكە كىرىسەر الدىندا ولارعا 50 مينۋت نۇسقاۋلىق ساباق وتكىزىلەدى. سونداي-اق، ءۇش ءتۇرلى وقۋ سۇراقتارىنا جاۋاپ بەرۋى ءتيىس. سودان سوڭ قويان- قولتىق ۇرىسقا ماشىعادى.

بروندى كولىكتەر

كەلەسى ايالداما - اسكەري تەحنيكالار الاڭى. ۇلتتىق ۇلان ەلدىڭ ىشكى ىستەر ورگاندارى جۇيەسىندە ەكەنىن جوعارىدا ايتتىق. سوندىقتان بۇل اسكەري بولىمنەن تانكتەر مەن اسكەري ۇشاقتاردى كەزىكتىرمەيتىنىمىز زاڭدى. الايدا مۇندا بروندى اسكەري كولىكتەردىڭ ءتۇر- ءتۇرىن كورۋگە بولادى.

اۋەلى كوزىمىزگە وتتاي باسىلعان - ايگىلى ب ت ر-80. كەڭەس وداعى كەزىندە قولدانىسقا ەنگەن اسكەري بروندى تاسىمالداۋشى كولىك ءوزىنىڭ قولايلىلىعىمەن ومىرشەڭ.

قاۋىپتى ايماققا اسكەردى امان جەتكىزۋ ءۇشىن بۇل كولىككە سۋ دا توسقاۋىل بولا المايدى. ول ساعاتىنا 9,5 شاقىرىم جىلدامدىقپەن جۇزە الادى. ال تاس جولدا جىلدامدىعى ساعاتىنا 80-90 ك م- گە جەتەدى. ءبىر رەت جانارماي قۇيىپ الىپ 600 شاقىرىمعا جەتەتىن بتر-80 ون ادامعا شاقتالعان (2+8).

ەكىنشى كوزگە تۇسكەن كولىك - «سپارتاك» (ۋرال «ءا ءو ك» 59095) . بۇل دا 10 ادامدىق بروندى تاسىمالداۋشى. ءبىراق ول ءبىر قۇيعان جانارمايمەن 1000 شاقىرىمدى ءجۇرىپ وتە الادى. مامانداردىڭ ايتۋىنشا، قورعانىس دەڭگەيىنىڭ دارەجەسى - 5-سانات. ال، موتور بولىگىنىكى - 4-سانات. ياعني، 4 كەلى تروتيلدىڭ جارىلىسىنان قورعاي الادى.

ايگىلى الىپ «УРАЛ-ВВ» دا قاتاردا تۇر. «سپارتاك» دەپ وتىرعانىمىز وسىنىڭ شاعىنداتىلعان نۇسقاسى. «УРАЛ-ВВ» جۇرگىزۋشىدەن بولەك 15 جاۋىنگەردى تاسىمالداي الادى. ونىڭ جان-جاعى مەن توبەسى – 5، موتور بولىگى – 3، الدى مەن تەرەزەلەرى - 6- ساناتتاعى قورعانىس دارەجەسىنە جاتادى.

اسكەريلەر بۇدان بولەك تاعى بىرنەشە اسكەري كولىكتى تانىستىردى. ولاردىڭ ىشىنەن كادىمگى ازاماتتىق كولىكتەردى دە كەزىكتىردىك. الەمدىك تاجىريبە كورسەتكەندەي، قازىر لاڭكەستەر جارىلعىش درونداردى دا ءجيى پايدالانا باستاۋىنا بايلانىستى جاۋىنگەرلەردى كەي جاعدايدا وسىنداي ازاماتتىق كولىكتەرمەن تاسىمالداۋ الدەقايدا قاۋىپسىز كورىنەدى. سەبەبى مۇنداي كولىكپەن اسكەريلەردىڭ كەلە جاتقانىن اڭعارۋ وتە قيىن.

ءيىسشىل يتتەر

قىزىق كينولوگيالىق قالاشىققا بارعاندا باستالدى. كينودان كورەتىن ءيىسشىل يتتەردىڭ مۇندا ءتۇرى بار ەكەن. ءبىرى ەسىرتكى ءيىسىن، ءبىرى جارىلعىش زات - تروتيل ءيىسىن جازباي تانۋعا ماشىققان بولسا، ەندى ءبىرى قاشقىن كۇدىكتىنىڭ ءىزىن كەسىپ، اداسپاي تابۋدى مەڭگەرگەن.

الدىن الا دايىندالعان سسەناري بويىنشا، جۋرناليستەردىڭ بىرىنە كولىككە تروتيل جارىلعىشىنا ۇقسايتىن (ءيىسى بىردەي) زاتتى قويۋ تاپسىرىلدى. سالدەن سوڭ كينولوگ باقىلاۋ جاساۋ ءۇشىن قاشىقتان باسقارىلاتىن كىشكەنتاي روبوت- ماشينانى جىبەردى. ونىڭ ارتىنان ءيىسشىل ءيت - چەمپيون كەلىپ، جارىلعىشتى ىزدەي باستادى. ءيت ونى تاپقان جاعدايدا قوزعالماي قاتىپ قالۋى كەرەك ەكەن. سەبەبى سوڭعى ۇلگىدەگى جارىلعىش زاتتار دىبىس پەن قوزعالىسقا دا اسەر بەرىپ، جارىلىپ كەتەتىن قاسيەتكە يە. چەمپيون ءدال سولاي ىستەدى دە.

ەكىنشى جاتتىعۋ ەسىرتكىنى ىزدەۋگە ارنالعان. مۇندا دا باق وكىلى ەسىرتكىگە ۇقسايتىن زاتتى جاشىكتەردىڭ بىرىنە جاسىردى. ونى كاي ەسىمدى ءيىسشىل ءيت اينىماي تاپتى.

ءۇشىنشى جاعدايدا كۇدىكتى شينالاردان جاسالعان قۇدىقتاردىڭ بىرىنە جاسىرىندى. قاشقىنداردىڭ ءىزىن كەسۋدى مەڭگەرگەن تايسون ەسىمدى ءيت تە قاپى قالمادى. ءبىراز اينالىپ ءجۇردى دە، قاشقىن وتىرعان جەرگە كەلىپ، يەسىنە ءۇرىپ ءۇن قاتتى. جۋرناليستەر ءۇش ءيتتىڭ دە شەبەرلىگىنە ءتانتى بولعانىن شاپالاق سوعىپ ءبىلدىرىپ تۇردى.

كينولوگيا قىزمەتىنىڭ باستىعى مايور نۇرسۇلتان ساريەۆتىڭ ايتۋىنشا، مۇنداعى يتتەرگە كۇنىنە ەكى ۋاقىت تاماق بەرىلەدى. ال كينولوگتەر ءار كۇن سايىن ارنايى جۇگىرۋ جولاعىندا ءيىسشىل يتتەردى ەكى ساعات جاتتىقتىرىپ وتىرادى.

«كينولوگيا قالاشىعىندا 31 قىزمەتتىك ءيت بار. ولار ەسىرتكى ىزدەۋشى، جارىلعىش زاتتاردى ىزدەۋشى، شابۋىل جاساۋشى، ءىز كەسۋشى جانە پاترۋلدىك ءيت بولىپ بولىنەدى. ءبىز استانا قالاسىندا پوليتسيا دەپارتامەنتىمەن بىرگە جاۋىنگەرلىك قىزمەتتى اتقارامىز. 2024 -جىلدىڭ باسىنان بەرى ءبىزدىڭ كينولوگتەر 10 مارتە قىزمەتتىك ءيتتى ءساتتى پايدالانعان. سونىڭ ىشىندە ايتىپ وتەتىن جايت، وسىدان ەكى اپتا بۇرىن اقمولا وبلىسى پوليتسيا دەپارتامەنتى قىزمەتكەرلەرىمەن بىرلەسە وتىرىپ استانا وڭىرىندەگى اۋىلداردىڭ بىرىنەن 18,3 ك گ گاشيش ەسىرتكى زاتىن تاركىلەدىك. ۇستالعان ادام بويىنشا قىلمىستىق ءىس قوزعالىپ، ول تەرگەلىپ جاتىر»، - دەيدى نۇرسۇلتان سەرىك ۇلى.

سونداي-اق، مامان يتتەر 6 ايلىق كۇشىك كەزىنەن قابىلدانىپ، 8 جىل 3 اي قىزمەت اتقاراتىنىن ايتتى. ودان كەيىن ءيتتى باپتاعان كينولوگ ونى الۋعا ءوتىنىش بىلدىرسە، بەرىلەدى. بولماسا، ءيتتى جەكە جانە زاڭدى تۇلعالارعا بەرۋ دە قاراستىرىلعان.

اسكەري كيىمدەر

ق ر ۇلتتىق ۇلانى اسكەري قىزمەتشىلەرىنىڭ كيىمى جىلدىڭ ءتورت ماۋسىمىنا ساي جازعى، كۇز-كوكتەمگە ارنالعان جانە قىسقى بولىپ بولىنەدى. قىسقى كيىمنىڭ ءوزىنىڭ 20 گرادۋسقا دەيىنگى جانە 20 گرادۋستان سۋىق كەزگە ارنالعان ەكى ءتۇرى بار.

ودان بولەك، پارادقا ارنالعان مۋندير، بارلىق جەكە قۇرامعا ارنالعان كۇندەلىكتى كيەتىن كيىم، قۇرمەت قاراۋىلى روتاسىنىڭ ەرەكشە پارادتىق كيىمى، قوعامدىق ءتارتىپتى كۇزەتۋ كەزىندە كيەتىن كيىم ۇلگىلەرى تانىستىرىلدى.

اياق كيىمدەر دە جىل ماۋسىمدارىنا ساي وزگەرىپ تۇرادى.

سونداي- اق، ارنايى جاساق كيىمدەرى دە تانىستىرىلدى. ولار جاتتىعۋعا، اسكەري قىزمەت اتقارۋ بارىسىنا، دالالىق مارشتارعا، شابۋىلعا (برونجيلەتىمەن، جالپى سالماعى 22 ك گ)، جارىلعىش زاتتاردان قورعاۋعا (جالپى سالماعى 32 ك گ)، تاۋلى جەرلەردە اسكەري قىزمەت اتقارۋعا (ارقانى، قار- مۇزدى جەرلەردە جۇرۋگە ارنعال قۇرال- جابدىقتارى بار) جانە مەرگەندەرگە ارنالعان بولىپ بولىنەدى ەكەن.

«بۇركىت» ارنايى جاساعىنىڭ قارۋ- جاراعى

«بۇركىت» ارنايى ماقساتتاعى بولىمشەلەرىنىڭ جاۋىنگەرلەرى قولداناتىن قارۋ- جاراق ارسەنالى تاپانشادان گراناتا اتقىش، پۋلەمەتتەرگە دەيىن ۇلاسادى.

گلوك-17 تاپانشاسى.

پ پ-2000 پيستولەت- پۋلەمەتى

ۆيتياز- سن پيستولەت- پۋلەمەتى

اك-74 اۆتوماتى

س ر- 3م شاعىن اۆتوماتى

گ م-94 گراناتومەتى

م212 پومپالىق تەگىس ۇڭعىلى قارۋى

Barrett MRAD مەرگەندەر ۆينتوۆكاسى

سونداي- اق، كالاشنيكوۆ پۋلەمەتى، اگس-30 گراناتا اتقىشى، وسۆ-69 ۇلكەن كوليبرلى مەرگەندەر ۆينتوۆكاسى (2 ك م جەردەن كولىكتىڭ قوزعالتقىشىن تەسە الادى)، نسۆ «ۋتيەس» پۋلەمەتى (بروندى قورعانىسى بار كولىكتەرگە ورناتىلادى) سەكىلدى اتاۋىنىڭ ءوزى ات ۇركىتەتىن قارۋلار بار.

ودان بولەك، مەرگەندەر ۆينتوۆكاسىنا ارنالعان دىبىس تۇنشىقتىرعىشتار مەن ساۋند مودەراتورلار، نىساناعا دەيىنگى قاشىقتىقتى ولشەيتىن دۇربىلەر، راتسيالار، سپۋتنيكتىك بايلانىس قۇرالدارى، ءتىپتى كوشەدە ءتارتىپ بۇزعاندارعا ايىپپۇل تولتىرۋعا ارنالعان پلانشەتتەرگە دەيىن تانىستىرىلدى.

شارا ۇلتتىق ۇلان ءان-بي ءانسامبلى مەن ۇلگىلى كورسەتىمدى وركەسترى قويعان شاعىن كونسەرتپەن قورىتىندىلاندى. وندا قۇرمەت قاراۋىلى روتاسى دا ساپتىق دەفيلە كورسەتتى.

ب ا ق وكىلدەرى ۇلتتىق ۇلان اسكەري ءبولىمىنىڭ اسحاناسىندا تۇستەنىپ، وتان الدىنداعى بورىشىن وتەپ جۇرگەن ساربازداردىڭ قالاي تاماقتاناتىنىن دا كورىپ قايتتى.

اۆتور

ەربول جانات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى