برازيلياداعى سۋ تاسقىنىنان قازا تاپقاندار سانى 100 گە جاقىندادى
استانا. KAZINFORM - برازيلياداعى سۋ تاسقىنىنان قازا تاپقاندار سانى 95 ادامعا جەتتى. تابيعي اپاتتان جالپى جيىنتىعى 372 ادام زارداپ شەككەن. بۇل تۋرالى ريو- گراندە- دۋ-سۋل شتاتىنىڭ گۋبەرناتورى ەدۋاردو لەيتە مالىمدەدى.
قازىرگى ۋاقىتتا 159 مىڭ جەرگىلىكتى تۇرعىن ۇيلەرىن تاستاپ كەتۋگە ءماجبۇر بولعان. كەم دەگەندە 131 ادام ءىز-ءتۇزسىز جوعالعاندار تىزىمىندە تۇر.
«95 ءولىم.. . قازا تاپقاندار سانى ارتىپ جاتىر»، - دەدى لەيتە.
ءساۋىر ايىنىڭ سوڭىندا برازيليانىڭ ۋرۋگۆايمەن شەكتەسەتىن وڭتۇستىك شتاتىندا تولاسسىز جاۋىن جاۋدى. بۇعان دەيىن مۇنداي جاعداي اتالعان ەلدە 1941 -جىلى بولعان.
جاڭبىر سالدارىنان ريو- داس- انتاس وزەنىندەگى بوگەت قۇلاپ، جاقىن ماڭداعى ەلدى مەكەندەردى سۋ باستى. ريو- گراندە-دۋ-سۋل شتاتىنداعى 497 مۋنيتسيپاليتەتتىڭ 401 ءى داۋىل مەن سۋ تاسقىنىنان زارداپ شەككەن.
ايتا كەتەيىك، بۇعان دەيىن برازيليادا سۋ تاسقىنىنان قازا تاپقاندار سانى 78 ادامعا جەتكەنى تۋرالى جازعان ەدىك.
