برازيليادا ادام توزگىسىز ىستىق: تەرمومەتر باعانى 52,5 گرادۋسقا كوتەرىلدى
اپتاق ىستىققا بايلانىستى برازيليانىڭ 3000 قالاسىندا قاۋىپتىڭ قىزىل دەڭگەيى جاريالاندى. تەرمومەتر باعانى بەس كۇننەن استام ورتاشا تەمپەراتۋرادان 5 گرادۋسقا جوعارى بولۋى مۇمكىن، ول ادام دەنساۋلىعى ءۇشىن اسا قاۋىپتى.
Kazinform بۇل تۋرالى BBC گە سىلتەمە جاساپ حابارلايدى.
ريو-دە-جانەيرو مەن وعان جاقىن ماڭداعى اۋدانداردا رەكورد ورناپ، تەرمومەتر باعانى 52,5 گرادۋسقا دەيىن كوتەرىلدى.
جۇماعا دەيىن سوزىلاتىن اپتاپ ىستىقتان ءجۇز ميلليوننان استام ادام زارداپ شەگىپ وتىر.
مۇنداي ىستىققا ەل-نينو تابيعي فەنومەنى مەن كليماتتىڭ وزگەرۋى سەبەپ بولعان.
ۇلتتىق مەتەورولوگيا ينستيتۋتىنىڭ (Inmet) دەرەگىنشە، سەيسەنبى كۇندىز سان-پاۋلۋ قالاسىندا 37,3 گرادۋس ورتاشا اۋا تەمپەراتۋراسى تىركەلدى.
اپتاپ ىستىق سالدارىنان برازيليادا ەنەرگيانى پايدالانۋ رەكوردتىق جوعارى دەڭگەيگە جەتتى.
وتكەن اپتادا جاريالانعان Inmet زەرتتەۋى ەلدە شىلدە مەن قازان ارالىعىنداعى ورتاشا اۋا تەمپەراتۋراسى ادەتتەگىدەن جوعارى بولعانىن كورسەتتى.
عالىمداردىڭ پىكىرىنشە، پارنيكتىك گاز قالدىقتارى سالدارىنان كليمات وزگەرگەندىكتەن، ەندى اپتاپ ىستىق قارقىندى بولادى ءارى ءجيى كەزدەسەدى.
