بۋرابايدا ۇلتتىق قۇرىلتايدىڭ IV وتىرىسى باستالدى
بۋراباي. KAZINFORM - بۋرابايدا پرەزيدەنت قاسىم-جومارت توقايەۆتىڭ قاتىسۋىمەن ۇلتتىق قۇرىلتايدىڭ IV وتىرىسى باستالدى.
جيىندا مەملەكەت باسشىسى ءسوز سويلەيدى. سونداي-اق، ۇلتتىق قۇرىلتاي مۇشەلەرى قوعامداعى وزەكتى ماسەلەلەرگە قاتىستى ۇسىنىستارىن ورتاعا سالادى.
ايتا كەتۋ كەرەك، قۇرىلتايدىڭ پانەلدىك سەسسيالارى كەشە باستالعان. ول سەكسيالاردىڭ تاقىرىپتارى ازاماتتىق قوعام، مادەنيەت، ونەر، رۋحانيات، ءبىلىم جانە عىلىم، الەۋمەتتىك-ەكونوميكالىق دامۋ ماسەلەلەرىن قامتىدى.
بۇعان دەيىن مادەنيەت جانە اقپارات ءمينيسترى ايدا بالايەۆا جيىننىڭ العاشقى كۇنىندە ايتىلعان ۇسىنىستار تۋرالى مالىمەت بەرگەن ەدى.
ال عىلىم جانە جوعارى ءبىلىم ءمينيسترى ساياسات نۇربەك ۇلتتىق قۇرىلتايدىڭ 4-وتىرىسى اياسىندا قازاقستان تاريحىنىڭ جاڭا اكادەميالىق باسىلىمى ازىرلەنەتىنىن ايتتى.
2022-جىلى ۇلتتىق قۇرىلتاي العاش جاندانعاننان بەرى ەلدەگى الەۋمەتتىك-ەكونوميكالىق ماسەلەلەر شەشىم تاۋىپ كەلەدى. جىل وتكەن سايىن تاقىرىپ اياسى كەڭىدى، ايتىلاتىن سالماقتى وي ۇلعايدى.
