بۇقتىرماداعى كوپىرگە 100 دەن استام كامەرا قويىلدى
وسكەمەن. KAZINFORM - شىعىس قازاقستان وبلىسىندا پرەزيدەنت تاپسىرماسىنان كەيىن بۇقتىرما سۋ قويماسىنا سالىنعان كوپىرگە 100 دەن استام كامەرا قويىلدى.
كۇرشىم مەن سامار اۋداندارىن جالعايتىن بۇقتىرما سۋ قويماسىنداعى كوپىر اشىلعاننان كەيىنگى العاشقى 24 ساعات ىشىندە ودان ءبىر جارىم مىڭنان استام كولىك ءجۇرىپ ءوتتى.
«كوپىردەگى قاۋىپسىزدىكتى قامتاماسىز ەتۋ ءۇشىن وندا 102 كامەرا ورناتىلعان. ونىڭ 62 سى ۇستىڭگى جاعىندا، 40 ى استىڭعى تۇسىندا. كامەرالارداعى جازبالار تىكەلەي باقىلانىپ وتىرادى»، - دەلىنگەن كولىك مينيسترلىگى تاراتقان اقپاراتتا.
سونىمەن قاتار مۇز قاتقان كەزدە كوپىر تىرەكتەرى زاقىمدانباۋى ءۇشىن ۋچاسكەدە 40 مۇز كەسكىش جۇمىس ىستەيدى.
«كوپىردىڭ ستراتەگيالىق ماڭىزى بار بولعاندىقتان ونىڭ ەكى جاعىنا پوليتسيا بەكەتتەرى قويىلىپ، تاۋلىك بويى باقىلاۋ ورناتىلعان. كوپىرگە تەحنيكالىق قىزمەت كورسەتۋدى باقىلاۋ ءۇشىن بەينەكامەرالارعا تۇراقتى قوسىلۋ مۇمكىندىگى بار ديسپەتچەرلىك پۋنكتتەر جۇمىس ىستەيدى»، - دەلىنگەن حابارلامادا.
ەسكە سالساق، وسىعان دەيىن بۇقتىرما سۋ قويماسى ارقىلى وتەتىن ەلىمىزدەگى ەڭ ۇزىن كوپىر اشىلعانى حابارلانعان.
اۆتور
تالعاتجان مۇحامەتبەك ۇلى
