بەنزين باعاسى اقپاننىڭ اياعىنا دەيىن قالاي وزگەرەدى؟

قازاقستاندىق وتىن قاۋىمداستىعى مالىمەتىنشە، بۇيرىق كۇشىن جويعاننان كەيىن، 1-اقپاننان باستاپ جانار-جاعارمايدى كوتەرمە جەتكىزۋشىلەر باعانى كوتەرگەن. بۇل ايدىڭ اياعىنا دەيىن جانارمايدىڭ بولشەك ساۋداداعى قۇنىنا اسەر ەتەدى.

«وتىن نارىعىن 80 پايىزعا باقىلايتىن KC Energy Group پەن قازمۇنايگازدى قوسقاندا رەسۋرس ۇستاۋشىلار 1-اقپاننان باستاپ كوتەرمە باعانى ءوسىردى. وسىلايشا بولشەك ساتۋشىلار اقپانداعى وتىن كولەمىن جوعارى باعامەن ساتىپ الىپ جاتىر. ماسەلەن، ديزەل وتىنى مەن اي-92 بەنزينىنىڭ كوتەرمە باعاسى ورتا ەسەپپەن ليترىنە 4 تەڭگەگە ءوستى. تيىسىنشە اقپاننىڭ اياعىنا قاراي بۇرىنعى باعامەن جيناقتالعان كولەمگە بايلانىستى جانار-جاعارمايدىڭ بولشەك قۇنى ليترىنە 4 تەڭگەگە ارتادى»، - دەپ ءتۇسىندىردى قاۋىمداستىق وكىلدەرى.

سونداي-اق، قاۋىمداستىق وكىلدەرى قوسىلعان 4 تەڭگەنىڭ 80 پايىزى نەمەسە 3 تەڭگە مەملەكەتتىك بيۋجەتكە اكتسيز تۇرىندە الىناتىنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى