بەلگيالىقتار اسىراپ العان قازاقتىڭ بالاسى قۋانىشتى جاڭالىعىن جەتكىزدى
الەۋمەتتىك جەلىدە بەلگيالىق وتباسى اسىراپ العان 21 جاستاعى ەددي جان قازاقستانداعى تۋعان اتا-اناسىن ىزدەيتىنى تۋرالى اقپارات تاراعان ەدى.
وعان دۇنيەگە كەلگەندە جانىبەك دەگەن ەسىم دە بەرىلگەن ەكەن. بەلگيالىق وتباسى اسىراپ العان قازاقتىڭ بالاسى، 21 جاستاعى ەددي جان د ن ق ناتيجەسىن كۇتىپ جۇرگەنىن ايتقان ەدى.
ول بۇگىن الەۋمەتتىك جەلىدە قۋانىشتى جاڭالىقتى جاريالادى، - دەپ حابارلايدى Massaget.kz ءتىلشىسى.
ونىڭ ايتۋىنشا، بۇگىن بولجامدى ەكى انانىڭ د ن ق ساراپتاماسىنىڭ ناتيجەسى بەلگىلى بولادى.
«از ۋاقىت قالدى، مەن ءدال قازىر تولقىپ وتىرمىن. اناشىمدى تاۋىپ، قۇشاعىما الامىن دەگەن ۇمىتتەمىن!»، - دەپ جازدى ول.
ايتا كەتەيىك، بۇعان دەيىن جۋرناليست قىمبات دوسجان بالانىڭ اناسى بولۋى مۇمكىن دەگەن كۇدىك بار ءۇش ايەلدىڭ ءبىرى د ن ق سىناماسىن تاپسىرعانىن دا ايتقان ەدى.
ەسكە سالايىق، بۇعان دەيىن بەلگيالىق ايەل اسىراپ العان قازاقتىڭ بالاسى اناسىن ىزدەيتىنى حابارلاندى. بۇل تۋرالى جۋرناليست ولجاس بەركىنبايەۆ الەۋمەتتىك جەلىدەگى پاراقشاسىندا جاريالادى.
