Bloomberg ساۋد ارابياسىنداعى رەسەيمەن كەلىسسوزدەردە ا ق ش وكىلدەرىن اتادى
استانا. KAZINFORM - ۋيتكوفف پەن ۋولتس ا قش- تىڭ ساۋد ارابياسىنداعى رەسەيمەن كەلىسسوزدەردەگى وكىلدەرى بولادى، دەپ حابارلايدى ت ا س س.
رەسەي مەن ا ق ش وكىلدەرى اراسىنداعى الداعى كەلىسسوزدەردە امەريكالىق تاراپتان جەتەكشى ءرول ا ق ش پرەزيدەنتى دونالد ترامپتىڭ تاياۋ شىعىس بويىنشا ارنايى وكىلى ستيۆەن ۋيتكوففقا جانە ۇلتتىق قاۋىپسىزدىك جونىندەگى كومەكشىسى مايك ۋولتسقا بەرىلمەك. بۇل تۋرالى Bloomberg اگەنتتىگى دەرەككوزدەرگە سىلتەمە جاساپ حابارلادى.
اگەنتتىك بۇل جاعدايعا بايلانىستى ا ق ش پرەزيدەنتىنىڭ ۋكراينا جانە رەسەي بويىنشا ارنايى وكىلى كيت كەللوگتىڭ كەلىسسوزدەردەگى ءرولى قانداي بولاتىنى تۋرالى سۇراق تۋىندايتىنىن اتاپ ءوتتى.
Bloomberg دەرەكتەرىنە سۇيەنسەك، رەسەي مەن ا ق ش اراسىنداعى بايلانىستار سوڭعى اپتادا، اسىرەسە ا ق ش ۆيتسە-پرەزيدەنتى دجەي دي ۆەنستىڭ ميۋنحەن قاۋىپسىزدىك كونفەرەنتسياسىنداعى قاتال مالىمدەمەسىنەن كەيىن، ايتارلىقتاي كۇشەيگەن.
اگەنتتىكتىڭ مالىمەتىنشە، ا ق ش پەن رەسەيدىڭ جوعارى لاۋازىمدى رەسمي تۇلعالارىنىڭ كەزدەسۋى كەلەسى اپتادا ساۋد ارابياسىندا ءوتۋى مۇمكىن. Bloomberg بۇل كەزدەسۋدىڭ ەكى ەل باسشىلارىنىڭ ىقتيمال سامميتىنە دايىندىققا باعىتتالعانىن اتاپ وتەدى.
ەسكە سالساق ترامپتىڭ رەسەي پرەزيدەنتى ۆلاديمير پۋتينمەن العاشقى كەزدەسۋى ساۋد ارابياسىندا وتەتىنى تۋرالى جازعان ەدىك.
