ەبەكو جانارتاۋىنىڭ كۇلى 4,5 كيلومەتر بيىكتىككە اتقىلادى
استانا. KAZINFORM - ۇلكەن كۋريل قىرقاسىنداعى (ر ف ساحالين وبلىسى) پارامۋشير ارالىندا ورنالاسقان ەبەكو جانارتاۋىنىڭ كۇلى 4,5 كيلومەتر بيىكتىككە اتقىلاپ، كەزەكتى رەكوردتىق كورسەتكىش تىركەلدى.
«15-ءساۋىر 12:14 (ماسكەۋ ۋاقىتىمەن 03:14) - ەبەكو جانارتاۋىندا كۇل شىعارۋدىڭ بيىكتىگى تەڭىز دەڭگەيىنەن شامامەن 4500 مەتر بولدى»، - دەلىنگەن رەسەي عىلىم اكادەمياسىنىڭ ءبىرىڭعاي گەوفيزيكالىق قىزمەتىنىڭ كامچاتكا فيليالىنىڭ Telegram-ارناسىنداعى حابارلاماسىندا.
ايتا كەتەيىك، ەبەكو پارامۋشيردىڭ سولتۇستىك بولىگىندە ورنالاسقان. جانارتاۋ بيىكتىگى - 1 156 م. جانارتاۋ 2016-جىلدىڭ قاراشاسىنىڭ ورتاسىندا بەلسەندى بولا باستادى. ول ءۇشىن اۆياتسياعا قاۋىپتىڭ قىزعىلت سارى ءتۇسى بەلگىلەنگەن. بۇل جانارتاۋدىڭ اتقىلاۋى مۇمكىن ەكەنىن جانە اسا بەلسەندى ەكەنىن بىلدىرەدى.
