بەكتەنوۆ: اباي جانە پاۆلودار وبلىسىنداعى ءورت كەزىندە مەمورگانداردىڭ ءىس-قيمىل الگوريتمى ساقتالماعان

- ءورت ءسوندىرۋ كەزىندە شۇعىل ارەكەت ەتىپ، ءتيىستى كۇشتەردى جۇمىلدىرۋ ءۇشىن جاڭادان مەملەكەتتىك ورگانداردىڭ ءىس-قيمىل الگوريتمى ازىرلەنگەن بولاتىن. الايدا بيىل پاۆلودار جانە اباي وبلىستارىندا بولعان تابيعي ءورت بۇل الگوريتمنىڭ ورىندالماي وتىرعانىن كورسەتتى. مىسالى، اباي وبلىسىندا ورمان شارۋاشىلىعى مەملەكەتتىك مەكەمەسىنىڭ قىزمەتكەرلەرى توتەنشە جاعدايلار، ىشكى ىستەر جانە قورعانىس مينيسترلىكتەرىنە ءورتتىڭ شىققانى تۋرالى تەز ارادا حابار بەرمەگەن. پاۆلودار وبلىسىندا دا ءدال وسىنداي جاعداي ورىن الدى، - دەدى ول ۇكىمەت وتىرىسىندا.

سونداي-اق ولجاس بەكتەنوۆ بۇل كەلەڭسىزدىككە جاۋاپتىلاردى تەز ارادا انىقتاپ، ءتيىستى شارا قولدانۋدى تاپسىردى.

- ەكولوگيا، توتەنشە جاعدايلار جانە ىشكى ىستەر مينيسترلىكتەرىنە وسى ەكى وڭىردەگى ءورتتىڭ شىعۋ سەبەپتەرىن تەكسەرىپ، ءتيىستى شارالار قابىلداۋدى جانە كىنالىلەردى انىقتاپ، جاۋاپكەرشىلىككە تارتۋدى تاپسىرامىن، - دەپ ءتۇيدى ءسوزىن پرەمەر- مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى